Bazar, 17 Oktyabr 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Naftali Bennet: "İran bütün “qırmızı xətləri” keçib..."

BMT Baş Assambleyasında ilk çıxışında İsrailin baş naziri Naftali Bennet deyib ki, İran özünün nüvə proqramında bütün “qırmızı xətləri” keçib. Bennet bəyan edib ki, İsrail Tehranın nüvə silahı əldə etməsinə imkan verməyəcək.

Sentyabrın 27-də BMT-nin Nyu Yorkdakı qərargahında çıxış edən İsrail baş naziri onilliklərdir davam edən Fələstin münaqişəsinin adını çəkməyib, əvəzində İranın qlobal təhlükəsizliyə hədə olduğunu vurğulayıb. Bennet deyib ki, İran son illərdə nüvə istehsalı həcmlərini və uranın zənginləşdirilməsi dərəcəsini “sıçrayışlı şəkildə” artırıb: “İranın nüvə silahı proqramı kritik nöqtəyə çatıb və o bütün qırmızı xətləri keçib”.

Benyamin Netanyahunun 12 illik baş nazirliyinə son qoymuş Naftali Bennet sağ təmayüllü siyasətçidir. O ABŞ prezidenti Co Baydenin İrana münasibətdə mövqeyinin sərtləşdirilməsinə çalışır. Bennet habelə ABŞ-ın yeni administrasiyasının 2015-ci il nüvə sazişinin dirçəldilməsi siyasətindən narazıdır.

ABŞ-ı həmin sazişdən 2018-ci ildə keçmiş prezident Donald Tramp çıxarıb. ABŞ-ın bu razılaşmadan çıxması ilə Tehranın üzərinə əzici iqtisadi sanksiyalar bərpa olunub. Öz nüvə proqramının dinc səciyyə daşımasında israr edən İran Trampın addımına cavab olaraq tədricən saziş üzrə öhdəliklərindən geri çəkilib və nüvə fəaliyyətini gücləndirib.

Vyanada dolayısı ilə ABŞİran arasında keçirilən danışıqlar 6-cı dövrədən sonra, ötən iyunda mühafizəkar İbrahim Rəisinin prezident seçilməsi ilə dayanıb. İranın xarici işlər naziri Hüseyn Əmir-Abdullahian sentyabrın 24-də Baş Assambleyanın əsnasında bildirmişdi ki, Tehran “çox tezliklə” nüvə danışıqlarına qayıdacaq. ABŞ rəsmiləri bu kimi bəyanatlara inamsız və şübhə ilə yanaşmağa başlayıblar.

Bennet bildirib ki, İranın məqsədi “nüvə çətirinin altında” bütün Yaxın Şərqdə ağalığa nail olmaqdır. “Sentrifuqaları sözlə dayandırmaq mümkün deyil”, - o deyib. (virtualaz.org)

pia.az

 


Etiket:


Digərxəbərlər

Populyar xəbərlər

Paşinyan “qaş düzəldən yerdə göz çıxardı”... – Əliyevin İrana yönəlik ittihamlarını təsdiqlədi

Bakının mərkəzində ticarət obyektləri yanır, ətrafda yaşayan sakinlər təxliyə edilir - Foto / Video / Yenilənib

Azərbaycanda əhalinin istehlak etdiyi elektrik enerjisinin və təbii qazın qiyməti artdı

Elektrik enerjisi üzrə tariflərin dəyişdirilməsi hansı səbəblərdən qaynaqlanır

"Tarif Şurası qiymətləri artıranda Prezident İlham Əliyev də onun acığına maaş və pensiyaları artırır" - İlqar Məmmədov

SOCAR qazın istehlak qiymətinin artırılmasının səbəblərini açıqlayıb

Hüseynün: İranın Azərbaycanda İslam İnqilabı Keşikçiləri Korpusu tərəfindən dəstəklənən yeni hərəkatı

“24 günlük Vətən Müharibəsi” deyən direktor işdən çıxarıldı - Video

"Toya yazdırdığım pula heyfim gəlir" - Zaur Baxşəliyev

Putin amerikalı jurnalistə qarşı seksizmdə günahlandırıldı - Foto,Video

Məhkəmədə Bəxtiyar Hacıyev və Ülviyyə Alovlu arasında dava - Video

Ən çox oxunanalar