Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Fövqəlnazirin holdinqini daha üç şirkət tərk etdi - “Gilan”-da nə baş verir?

Təxminən iki həftə əvvəl mətbuatda uzun illər hazırkı Fövqəladə Hallar naziri Kəmaləddin Heydərovun şirkəti kimi tanınan “Gilan Holdinq” MMC-yə daxil olan “Gilan Dəri” Məhdud Məsuliyyətli Cəmiyyətinin holdinqdən ayrılaraq, “A.C.E Dəri” MMC kimi fəaliyyət göstərdiyinə dair məlumat yayılmışdı.

PİA.az xəbər verir ki, “Gilan Holdinq”i daha üç iri şirkətin tərk etdiyi məlum olub. Belə ki, üç şirkət eyni gündə “Gilan” brendindən imtina edib. Bununla da 2021-ci il ərzində ümumilikdə beş şirkət “Gilan Holdinq”-dən ayrılaraq, rebrendinq etmiş olub.

Bununla bağlı Banker.az-ın əldə etdiyi məlumata görə, hər üç şirkətin yeni adında “ABA” sözü var. Belə ki, “Gilan Cotton and Grain” MMC bundan sonra “ABA CG” MMC adı ilə, “Gilan Trading” MMC şirkəti “ABA Trading-123” MMC və “Gilan Vineyards” MMC isə “ABA VY” MMC adı ilə bazarda çıxış edəcək.

Məlumat üçün qeyd edək ki, “Gilan Vineyards” MMC “Agro-Azərinvest” şirkətinin törəməsidir. “Agro-Azərinvest” 2004-ci ildə Qəbələ rayonunda təsis edilib. Şirkət Qəbələ, Lənkəran, Göygöl, Samux, TovuzYevlax rayonları ərazisində fransız və gürcü sortlarından olan şərab üzümləri yetişdirməklə şərab istehsal edir.

 

Maraqlıdır ki, “Gilan”-dan ayrılan hər üç şirkət 2015-ci ilin iyul-avqust aylarında “Gilan Holdinq” MMC ilə eyni ünvanda yaradılmışdı - Bakı şəhəri Yasamal rayonu, Nəriman Nərimanov pr., ev 206, məh.466.

O da məlum olub ki, hər üç şirkətə Qafarova Günel Vilayət qızı rəhbərlik edəcək. Qeyd edək ki, əvvəl bu şirkətlərin hər birinə ayr-ayrı adamlar rəhbərlik edirdi. Adla bərabər şirkətlərin hüquqi ünvanları da dəyişib - Bakı şəhəri Xətai rayonu, Babək pr., ev 8, məhəllə 1130/1133, m. 70.

Törəmə şirkətləri bir-bir “Gilan” brendindən imtina etməsi və başqa adamların adlarına keçirilməsi “Gilan Holdinq”-in bu gedişlə holdinq statusundan çıxa biləcəyini düşünməyə əsas verir.

Onu da qeyd edək ki, “Gilan Holdinq” onun adından imtina edən şirkətlərin satılmasıyla bağlı hər hansısa investorla alqı-satqı müqaviləsinin olub-olmamasına dair sorğulara cavab vermir. Lakin həm hüquqi ünvanın dəyişdirilməsi, həm də “Gilan” brendindən imtina edilməsi onu güman etməyə əsas verir ki, artıq bu müəssisələrin “Gilan Holdinq”-ə aidiyyatı olmayacaq...

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Ən çox oxunanalar