Co Bayden yenə çaşdı və amerikalılara hər peyvəndə görə 100 min dollar vəd etdi

ABŞ prezidenti Co Bayden yenə növbəti dil çaşqınlığına yol verib.

Musavat.com xarici agenltiklərə istinadən xəbər verir ki, onun nitqi Ağ Evin rəmsi saytında yer alıb.

“Elə yerlər var ki, yüz min....yüz min (gülür), yüz dollar vəd edir. Bu, çox yaxşıdır. Mən vətəndaşların yerinə olsam, geri dönüb 3 dəfə peyvənd vurdurardım”,-deyə ABŞ lideri zarafat edib.

Daha sonra ciddiləşən Co Bayden məhz ödəmələr barədə elanlardan sonra ölkədə peyvənd olunanların sayının 25% artdığını vurğulayıb.

Prezident bütün qubernatorlardan koronavirusa qarşı qorunmağa qərar verən hər vətəndaşa 100 dollar ödəməsini xahiş etdiyini sölyəyib.

Hazırkı günə qədər Nyu-York, Minnesota, Nyu-Meksiko və Şimali Karolina ştatları belə bir addıma gedib. Həmin ştatlarda vətəndaşlara, kiçik və orta biznes müəssisələrinə ödəmələr verilməklə yanaşı, peyvənd olunan əməkdaşlara ödənişli məzuniyyətlər də bəxş olunur.

ABŞ prezidenti ölkədə xidmət göstərən bütün federal məmurlara da peyvənd olunmağı tələb edərək, əks təqdirdə onların həftədə iki dəfə test vermək seçimi ilə üz-üzə qalacaqlarını vurğulayıb.