Regionda azərbaycanlılarla ermənilərin inteqrasiyası üçün zəmin varmı?..

Politoloq: “Ermənistan Baş naziri əvəzi Nikol Paşinyanın Qarabağın müstəqilliyini tanısaq yeni müharibəyə gətirə biləcəyini qeyd etməsi obyektiv yanaşmadır”.

“Ermənistan Azərbaycanla problemler olmadığını elan etməlidir. Nikol Pasinyan­ın buna gedəcəyi mümkündür. Ondan sonra Qarabağda ermənilərin inteqrasiyası reallaşa bilər. Bu da çətin bir mərhələdir”.

Bu sözləri politoloq Məhəmməd Əsədullazadə Ermənistandakı seçkidən sonra Azərbaycan-Ermənista­­n münasibətlərinin məcrasını PİA.az-a şərh edərkən qeyd edib.

Hiss olunur ki, Ermənistan cəmiyyətində də yeni müharibə xofu güclüdür və bu üzdən də seçkiyə qatılan revanşistlər belə yeni müharibə siqnalı verməkdən çəkinirlər. Seçkiyə bir neçə gün qalmış Paşinyan isə deyib ki, Ermənistanın Qarabağın “müstəqilliyini” tanımasına dair bəyanatlar təhlükəlidir və yeni müharibəyə səbəb olar.

Bəs seçkidən sonra Azərbaycan-Ermənista­­n münasibətlərinin normallaşmasını gözləmək mümkündürmü? Ümumiyyətlə regionda azərbaycanlılarla ermənilərin inteqrasiyası üçün zəmin görünürmü?

Mövzunu PİA.az-ın əməkdaşı Cənubi Qafqaz Təhlükəsizlik və Sülh İnstitutunun sədri Məhəmməd Əsədullazadə ilə müzakirə edib.

Məhəmməd Əsədullazadə: Əgər, Nikol Paşinyan seciləcəksə, təbii ki, çalışaq Azərbaycanla əlaqələri bərpa etsin. Hətta L. Ter- Petrosyan da Azərbaycanla əlaqələrin mümkünlüyü dilə gətirir”.

Hazırda ermənilərlə azərbaycanlıların inteqrasiyasının mümkün olmadığını düşünən politoloq PİA.az-a açıqlamasında edib ki, Qarabağda yaşayan ermənilər bunu qəbul etməyəcək. Rusiyada bu prosesə dəstək verəcək:

“Ermənistanın Baş naziriəvəzi Nikol Paşinyanın Qarabağın müstəqilliyini tanısaq yeni müharibəyə gətirə biləcəyini qeyd etməsi obyektiv yanaşmadır. O yaxşi bilir ki, bununla Ermənistan bataqlığa qərq olar. Bundan əlavə Beynəlxalq birlik buna sərt bir mövqe ortaya qoyar. Ona görə də bu kimi bəyanatların revanşistlər tərəfindən səsləndirilməsi sadəcə gülüncdür. Onlar 30 il ərzində buna cəhd edə bilmədilər. Bundan sonra mümkün deyil.

Hazırda Ermənistan seçkiyə gedir. Əgər, Nikol Paşinyan seciləcəksə, təbii ki, çalışaq Azərbaycanla əlaqələri bərpa etsin. Hətta L. Ter- Petrosyan da Azərbaycanla əlaqələrin mümkünlüyü dilə gətirir. Təbii ki, Azərbaycanda barışa gedəcək. İlk növbədə Ermənistan Azərbaycanın ərazi bütövlüyünü tanımalıdır.

Düşünürəm ki, bir müddət Ermənistan buna getməyəcək. Rusiyada çalışır ki, vəziyyəti mürəkkəbləşdirsin. Ümumiyyətlə hazırda ermənilərlə azərbaycanlıların mümkün görünmür. Çünki Qarabağda yaşayan ermənilər bunu qəbul etməyəcək. Rusiyada bu prosesə dəstək verəcək.

Ona görə də düşünürəm ki, ilk növbədə Ermənistan ilk addım atmalıdır. Yəni Ermənistan Azərbaycanla problemler olmadığını elan etməlidir. Nikol Pasinyanın bunu etməsi mümkündür. Ondan sonra Qarabağda və bütövlükdə Cənubi Qafqazda ermənilərlə azərbaycanlıların inteqrasiyası reallaşa bilər. Bu da çox çətin bir posesdir”.

Nərminə UMUDLU
pia.az