Beş ayın ticarəti

2021-ci ilin beş aylıq xarici ticarət statistikası açıqlanıb.

Dövlət Gömrük Komitəsinin hesabatına görə, yanvar-may aylarında 7,4 milyard dollardan çox ixrac, 4,3 milyard dollardan çox idxal gerçəkləşib.

168 ölkə ilə ticarət əməliyyatı aparıldığı, gömrük orqanlarının büdcəyə 1,6 milyard manatdan çox vəsait ödədiyi vurğulanır.

Rəsmi məlumata əsasən, ixracın 8,9 faizi MDB ölkələrinin, 49,4 faizi Avropa İttifaqı ölkələrinin, 41,7 faizi başqa ölkələrin payına düşüb.

İdxalda MDB-nin payı 24,4 faiz, Avropa İttifaqının payı 19,6 faiz, başqa ölkələrin payı 60 faizə yaxın göstərilir.

Yanvar-may aylarında əsas tərəfdaş İtaliya olub, bu ölkə ilə ticarət ümumi dövriyyənin 24,4 faizi həcmində rəsmiləşib.

İxracda əsas ölkə İtaliya (ümumi ixracın 36,7 faizi), idxalda Rusiyadır (17,4 faiz).

Hesabata görə, ixracın 87,7 faizindən çoxu neft-qaz sektoruna daxil olan mallardır.

İdxalda ən böyük pay maşın, mexanizm, elektrik avadanlıqları və onların hissələrinin payına düşür: 25,4 faiz.

Beş ayda gömrük orqanları 174 cinayət xarakterli fakt, 8381 inzibati xəta qeydə alıb.(novator.az)

pia.az