"Rusiyanın hüquq-mühafizə orqanlarının əməkdaşları tərəfindən Ukraynanın Sankt-Peterburqdakı Baş Konsulluğunun əməkdaşının saxlanılması Rusiyanın sabitliyi pozan hərəkətləri fonunda növbəti təxribatdır"...
APA-nın "Ukrinform"a istinadən verdiyi xəbərə görə, bunu Ukrayna Xarci İşlər Nazirliyinin mətbuat katibi Oleq Nikolenko deyib.
O bildirib ki, hazırda diplomat Ukrayna konsulluğundadır: "Saxlanılma halı araşdırılır. Yaxın zamanda Ukrayna tərəfi mövcud təcrübəni nəzərə alaraq bu təxribata cavab formasına qərar verəcək".
Qeyd edək ki, Rusiya Federal Təhlükəsizlik Xidməti aprelin 16-da Ukraynanın Sankt-Peterburqdakı Baş konsulu Aleksandr Sosonyukun saxlanılması barəəd məlumat yayıb. Bildirilib ki, ukraynalı diplomat RF vətəndaşı olan bir şəxslə görüşüb və o, Rusiya hüquq-mühafizə orqanlarının və Federal Təhlükəsizlik Xidmətinin məlumat bazalarından götürülən məxfi məlumatı alarkən saxlanılıb.
***
Rusiya Federal Təhlükəsizlik Xidməti (FTX) Ukraynanın Sankt-Peterburqdakı Baş Konsulluğunun konsulu Aleksandr Sosonyuku saxlayıb.
“Report” “RİA Novosti”yə istinadən xəbər verir ki, bu barədə FTX-nin hadisə ilə bağlı açıqlamasında bildirlib.
Qeyd olunu ki, ukraynalı diplomat Rusiya vətəndaşından məxfi məlumat almaqda şübhəli bilinir.
Məlumat görə, diplomata beynəlxalq hüquq normalarına uyğun tədbir görüləcək.
pia.az