Dirçəlmək, yenə də xalqa xeyirli olmasını nümayiş etdirmək istəyən ANS yeni, məhdud bir layihəyə başlayıb...
“Dirçəlmək, yenə də xalqa xeyirli olmasını nümayiş etdirmək istəyən ANS yeni, məhdud bir layihəyə başlayıb. Pis də alınmayıb koronavirus statistikası saytı, baxımlıdır. Vaxtilə yüz minlərlə haqqı tapdanmış vətəndaş ANS-in verilişlərinə ədalətin bərpa olunması və ya heç olmasa dilə gətirilməsi üçün sonuncu ümid yeri kimi baxırdı”.
Bunu ReAl Partiyanın sədri İlqar Məmmədov deyib.
İ.Məmmədovun sözlərinə görə, ANS özü ədalətsiziklə üzləşəndə, həmin o yüzminlərin kənarda qalıb seyrçi kimi davranması hiss olunur ki, ANS-çilərə mənəvi sarsıntı yaşadıb: “Məncə, ANS-çilər də bu məsələdə haqsızdırlar, çünki xalqa praktiki fayda verən layihələri gerçək etmək, başqalarının yaymadığı xəbərləri xalqa çatdırmaqdan ötrü ANS-in ödədiyi qiymət həmişə daha yüksək olub. Yəni hakimiyyətin təbliğatı, xüsusilə də mənəvi seçimdən xəbər verən həlledici məqamlarda, heç vaxt efirdə az olmayıb. İnsanlar bunu da görürdülər deyə, ANS bağlananda, dinmədilər. Sarsıntı üçün heç bir əsas yox idi. ANS heyəti işini bərpa etmək istəyirsə, bunu alqışlaya bilərəm. Arzu edirəm ki, onların işinin faydası həmin işə görə ödədikləri qiymətdən daim yuxarı olsun. Söhbət puldan getmir, əlbəttə”.(pravda.az)
pia.az