Qəhrəman əsgərlərimizin qanı yerdə qalmayacaq...
Türkiyə ordusunun Suriya ərazisinə endirdiyi aviazərbələr nəticəsində Bəşər Əsədə sadiq qüvvələrə məxsus maşın karvanı məhv edilib.
“Report” xəbər verir ki, bu barədə “Sabah” qəzeti mənbəyə istinadən məlumat yayıb. Mənbənin sözlərinə görə, “M-5” beynəlxalq şossesi (şimal-cənub) ilə hərəkət edən Suriya ordusunun əsgərləri bombardman edilib.
Türk qüvvələrinin artilleriyası Hələbin şimalında Tel-Rifaat şəhərində Suriya qoşunlarının mövqelərinə də intensiv atəş açır.
Bu arada Türkiyənin rəsmi xəbər agentliyi “Anadolu” bildirib ki, son iki həftə ərzində Türkiyə hərbi qüvvələri Suriya hökumət qoşunlarının 130-a yaxın hərbi texnikasını sıradan çıxardıb.
17 gün ərzində Türkiyə ordusunun hücumları zamanı 55 Suriya tankı, 18 zirehli və 21 hərbi maşın, 29 haubitsa və üç vertolyot məhv edilib, 1 700 hərbçi zərərsizləşdirilib.
***
Hazırda hava və qurudan Suriya rejiminin bütün hədəflərinə zərbələr endirilir.
Virtualaz.org yerli KİV-ə istinadən bildirir ki, bu açıqlamanı Türkiyə Prezidenti Administrasiyasının İctimaiyyətlə əlaqələr şöbəsinin rəhbəri Fəxrəddin Altun yayıb.
O bildirib ki, zərbələr endirilməkdə davam edəcək: "Suriya ordusunun bütün bilinən hədəflərinə hazırda zərbələr endirilir. Suriyadakı fəaliyyətimiz bayrağımıza uzadılmış əllər qırılana qədər davam edəcək. Astana sammiti tərəfləri başda olmaqla, bütün beynəlxalq toplumu üzərinə düşən məsuliyyəti yerinə yetirməyə çağırırıq".
Qeyd edək ki, bu gün Suriya ordusunun hücumu nəticəsində 29 türk əsgəri şəhid olub, 36 yaralı var.
pia.az
Digərxəbərlər
Populyar xəbərlər
