Gələn həftə Vaşinqtonda ABŞ və Cənubi Koreya müdafiə nazirlərinin illik görüşündə müttəfiqlərin hərbi əməkdaşlığına dair məsələlər, habelə birgə uçuş təlimləri, döyüş vaxtı əməliyyat idarəetməsinin ötürülməsi müzakirə olunacaq
AZƏRTAC Yonhap agentliyinə istinadla xəbər verir ki, 50-ci dəfə keçiriləcək görüş müttəfiqlərin Koreya yarımadasında nüvə silahının ləğvinə və davamlı sülhün təminatına dair əməkdaşlıq səyləri fonunda keçiriləcək.
Güman olunur ki, görüşdə Şimali Koreya ilə aparılan danışıqlara mane olmamaq üçün cari il nəzərdə tutulan geniş “Vigilant Ace” uçuş təliminin təxirə salınmasına dair qərar qəbul ediləcək. Ötən ilki təlimdə hər iki tərəfdən birlikdə 270 hərbi təyyarə və 12 mindən çox hərbi qulluqçu iştirak etmişdi.
pia.az