Şənbə, 01 Oktyabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Müharibələrin tarixini dəyişdirən silah - Azərbaycan və Türkiyə ordularında HIMARS-ın anoloqu olan silahlar var?

Gələcək müharibələrin taleyini yüz kilometrlərlə uzaqdan dəqiq zərbələr endirən yaylım atəş qurğuları həll edəcək...

Hərbi-ekspert: “Ukraynada kifayət qədər uğurla istifadə olunan, ABŞ istehsalı olan HIMARS sistemləri Rusiya üçün müəyyən problemlər yaradır. Lakin onların sayı hələ də arzuolunan səviyyəyə çatdırılmayıb”.

Azərbaycan ordusunda HIMARS olmasa da, HIMARS-dan çox sonra istehsal edilən və daha müasir İsrail, Türkiyə reaktiv yaylım atəş sistemləri mövcuddur. Onların sayı hətta, ehtiyac duyulandan da artıqdır”.

Bu sözləri hərbi-ekspert Ədalət Verdiyev ordumuzda zamanın tələbinə çevrilən silahlardan hansıların olmasını PİA.az-a şərh edərkən qeyd edib.

Son zamanlar Ukrayna müharibəsinin gedişində diqqət çəkən məsələlərdən biri odur ki, HIMARS tipli silahlar çox effektivdir və bu silahlara qarşı Rusiya müdafiə sənayesi faktiki olaraq gücsüz duruma düşüb. Belə görünür ki, gələcək müharibələrin taleyini də məhz yüz kilometrlərlə uzaqdan dəqiq zərbələr endirən yaylım atəş qurğuları həll edəcək.

Azərbaycan və Türkiyə ordularının HIMARS-ın anoloqu olan silahlarla silahlanması ilə bağlı vəziyyət nə yerdədir? Ordumuz zamanın tələbinə çevrilən bu silahlarla təmin olunubmu?

Mövzunu PİA.az-ın əməkdaşı hərbi-ekspert Ədalət Verdiyev ilə müzakirə edib.

Ədalət Verdiyev: “Biz müharibə zamanı erməni işğalçılarına qarşı Belarus istehsalı olan Polonez sistemlərindən, TOZ-1 odsaçanlarından, BM-30 smerç kompleksindən, Türkiyənin T-300 qasırğa, TREG-230 reaktiv yaylım atəş sistemləri ilə bərabər, həm də İsrail istehsalı olan Ekstra, Lynx və LAR kompleksindən kifayət qədər uğurla istifadə etdik”.

Türkiyə və İsrail silahlarının dəqiqliyi hazırda heç də Ukraynadakı HIMARS-lardan geri qalmadığını vurğulayan ekspert bildirib ki, əslinə bu sistemlər idarəolunan raketlər atmaqla, daha yüksək dəqiqliklə məhv etmək imkanına malikdir:

“Müasir müharibələrdə pilotlu və pilotsuz aviasiyalarla bərabər arteriya sistemləri də mühim rol oynayır. Vətən müharibəsinin təcrübəsi də göstərdi ki, uzaq məsafələrdə yerləşən düşmənin vacib obyektlərini, o cümlədən hərbi bazalarını, aerodromlarını, dayanacaqda olan aviasiya vasitələrini, rabitə qovşaqlarını, körpüləri və digər mühüm əhəmiyyət kəsb edən hərbi obyektləri məhv etmək üçün arteriya çox uyğun bir vasitədir.

Ukraynada da kifayət qədər uğurla istifadə olunan, NATO istehsalı olan HIMARS sistemləri Rusiya üçün müəyyən problemlər yaradır. Lakin onların sayı hələ də arzuolunan səviyyəyə çatdırılmayıb. Buna görə də Ukrayna ordusu genişmiqyaslı hücum əməliyyatları həyata keçirə bilmir.

Ədalət Verdiyev: “Hazırda Azərbaycan ordusunun silahlanmasında mövcud olan reaktiv yaylım atəş sistemləri 20 ilə 200 km arasında yerləşən hədəfləri yüksək dəqiqliklə məhv etməyə imkan verir”.

Azərbaycanın reaktiv yaylım atəş sistemləri təchizatına gəldikdə isə Azərbaycan ordusu bir çox ölkələrdən bu tip arteriya sistemlərini əldə edib. Azərbaycan onları Vətən müharibəsi zamanı kifayət qədər uğurla tətbiq etdik. Biz müharibə zamanı erməni işğalçılarına qarşı Belarus istehsalı olan Polonez sistemlərindən, TOZ-1 odsaçanlarından, BM-30 smerç kompleksindən, Türkiyənin T-300 qasırğa, TREG-230 reaktiv yaylım atəş sistemləri ilə bərabər, həm də İsrail istehsalı olan Ekstra, Lynx və LAR kompleksindən kifayət qədər uğurla istifadə etdik.

Bundan başqa Azərbaycan ordusunda Çexiyanın “Vampir”, Azərbaycanın yerli “Leysan” və Türkiyənin TBR-107 yaylım atəş sistemləri də mövcuddur. Azərbaycan ordusunda HIMARS olmasa da, HIMARS-dan çox sonra istehsal edilən və daha müasir İsrail, Türkiyə reaktiv yaylım atəş sistemləri mövcuddur. Onların sayı hətta, ehtiyac duyulandan da artıqdır. Türkiyə və İsrail silahlarının dəqiqliyi hazırda heç də Ukraynadakı HIMARS-lardan geri qalmır. Əslinə bu sistemlər idarəolunan raketlər atmaqla, daha yüksək dəqiqliklə məhv etmək imkanına malikdir. Hazırda Azərbaycan ordusunun silahlanmasında mövcud olan reaktiv yaylım atəş sistemləri 20 ilə 200 km arasında yerləşən hədəfləri yüksək dəqiqliklə məhv etməyə imkan verir”.

Nərminə UMUDLU
pia.az


Etiket:


Digərxəbərlər

General-mayor Bəkir Orucov "Tərtər işi" üzrə təqsirli bilinərək həbs olunub - Yenilənib

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

KTMT Azərbaycan-Ermənistan sərhədinə qoşun yeridir...

“Başı keçəldir, elə bilir ki, hər şeyi bilir” – Nazirə sərt ittiham

Azərbaycan bayrağına hörmətsizlik edən vəzifəli şəxs şəhid övladı imiş - Yenilənib, Video

Rusiya Ukraynaya "İskəndər" raketləri atıb: ölən və yaralananlar var, 52 avtobus yanıb

Müğənni Rəhim Rəhimlinin ölüm səbəbi açıqlanıb

Ukraynanın 4 regionunun Rusiyaya daxil olmasına dair sazişlər imzalandı - Yenilənib

Tofiq Yaqublu sərbəst buraxılıb- Yenilənib, Video

Bu şəxslər 5 ilədək azadlıqdan məhrum ediləcək

Erməni vəhşiliyinin göstəricisi olan Quba “Soyqırımı Memorial Kompleksi”ni kimlər yox etmək istəyir?

Ən çox oxunanalar