Mirzoyan Zəngəzur dəhlizi açılmayacaq deyib... - Bu bəyanat nəyə hesablanıb?

Politoloq: “Zəngəzur dəhlizi ilə əlaqədar Azərbaycan və Ermənistanın diametral əks yanaşmaları var”.

“Ermənistan bəyan edir ki, Azərbaycanın irəli sürüdüyü kimi Zəngəzur dəhlizinin açılması onun ərazisinin bir hissəsi üzərində suverenliyinin itirilməsi demək olacaq. Ermənistan bu məsələdə üzərinə götürdüyü öhdəlikdən yayınmağa çalışır”.

Bu sözləri politoloq Zaur İbrahimli Ermənistanın Xarici İşlər naziri Ararat Mirzoyanın Zəngəzur dəhlizi haqqında dediklərini PİA.az-a şərh edərkən qeyd edib.

Ermənistan Xarici İşlər naziri Ararat Mirzoyan Fransanın nüfuzlu “Fiqaro” qəzetinə müsahibəsində deyib ki, “Zəngəzur dəhlizi ümumiyyətlə müzakirə mövzusu ola bilməz”. Mirzoyanın sözlərinə görə dövlətlər öz əraziləri üzərində suverenliyini qoruyaraq tranzitə icazə verə bilərlər. Bölgədəki bütün kommunikasiyalar bu prinsipə söykənərək yenidən açılmalıdır.

Azərbaycan və Ermənistan liderlərinin Brüssel sammiti qarşısında Yeravanın yenidən gərginliyi artıracaq ritorika ilə çıxış etməsini necə dəyərləndirmək olar? Bu bəyanat daxili auditoriyaya ünvanlaıb, yoxsa Ermənistanın liderlərin görüşü öncəsi yenidən sərt ritorikaya müraciət etməsi Yeravanın sülhdən qaçmasına hesablanıb?

Ermənistanın növbəti sərt ritorikasını PİA.az-ın əməkdaşı politoloq Zaur İbrahimli ilə müzakirə edib.

Zaur İbrahimli: “Ermənistanın xarici işlər nazirinin bəyanatı Brüssel danışıqları ərəfəsində rəsmi İrəvanın öz mövqelərini qoruyacağı ilə bağlı daha çox daxili auditoriyaya verilən mesajdır”.

Ermənsitan tərəfindən bu cür bəyanatların səslənməsi konstruktiv müzakirələrə mane olduğunu vurğulayan politoloq PİA.az-a bildirib ki, ermənilərin hər dəfə olduğu kimi danışıqlardan əvvəl maksimalist tələblərlə çıxış etməsi də, razılıq əldə edilməsi ilə bağlı mövcud zəminləri zədələyir:

“Zəngəzur dəhlizi ilə əlaqədar Azərbaycan və Ermənistanın diametral əks yanaşmaları var. Rəsmi Bakı Azərbaycan, Rusiya, Ermənistanın imzaladığı 10 noyabr Bəyanatınnın 9-cu bəndinə istinad edərək Naxçıvanla nəqliyyat əlaqəsini təmin edəcək nəqliyyat dəhlizinin yaradılmasını tələb edir. Rəsmi Bakı bunu 10 noyabr Bəyanatının Ermənistan üçün yaratdığı öhdəlik kimi irəli sürür. Rəsmi Bakının yanaşmasına görə nəqliyyat dəhlizi üzrə hərəkət 10 noyabr Bəyanatında nəzərdə tutulduğu kimi maneəsiz olmalıdır. Ermənistan buna təmiant verməlidir.

Ermənistan isə Naxçıvanla tranzit əlaqəsinin yaradılmasını müzakirə etmək niyyətindədir. Ermənistan bəyan edir ki, Azərbaycanın irəli sürüdüyü kimi Zəngəzur dəhlizinin açılması onun ərazisinin bir hissəsi üzərində suverenliyinin itirilməsi demək olacaq. Ermənistan bu məsələdə üzərinə götürdüyü öhdəlikdən yayınmağa çalışır. 10 noyabr Bəyanatınd a “Laçın dəhlizi” ifadəsi işlədilib və qeyd edilir ki, Azərbaycan Respublikası Laçın dəhlizi üzrə hər iki istiqamətdə vətəndaşların, nəqliyyat vasitələrinin və yüklərin hərəkətinə təhlükəsizlik zəmanəti verir.

Zaur İbrahimli: “Rəsmi Bakının yanaşmasına görə nəqliyyat dəhlizi üzrə hərəkət 10 noyabr Bəyanatında nəzərdə tutulduğu kimi maneəsiz olmalıdır. Ermənistan buna təmiant verməlidir”.

Deməli, 10 noyabr Bəyanatında qeyd edildiyi kimi “Ermənistan Respublikası vətəndaşların, nəqliyyat vasitələrinin və yüklərin hər iki istiqamətdə maneəsiz hərəkətinin təşkili məqsədilə Azərbaycan Respublikasının qərb rayonları və Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verir” öhdəliyi dəhlizin yaradılmasını nəzərdə tutur.

Ermənistanın xarici işlər nazirinin bəyanatı Brüssel danışıqları ərəfəsində rəsmi İrəvanın öz mövqelərini qoruyacağı ilə bağlı daha çox daxili auditoriyaya verilən mesajdır. Həmçinin ermənilər indidən bu məsələdə sərt bəyanatlar verməklə əlavə sövdələşmə imkanları yaratmağa çalışırlar. Ermənsitan tərəfindən bu cür bəyanatların səslənməsi əlbətdə ki, konstruktiv müzakirələrə mane olur. Ermənilərin hər dəfə olduğu kimi danışıqlardan əvvəl maksimalist tələblərlə çıxış etməsi də razılıq əldə edilməsi ilə bağlı mövcud zəminləri zədələyir”.

Nərminə UMUDLU
pia.az