Məşhur türk aktrisa və model Özge Ulusoy dekabrın 4-də baş verən yol qəzasında atasını itirib...
PİA.az Türkiyə mətbuatına istinadən xəbər verir ki, aktrisa və model Özge Ulusoyun 73 yaşlı, ehtiyatda olan polkovnik atası Heydər Ulusoy dekabrın 4-də Ankarada baş verən yol qəzasında dünyasını dəyişib. Dünən dəfn edilən Ulusoydan sonra qızı Özge Ulusoy sosial media hesabından emosional bir paylaşım edib.
Məşhur model atasının sınmış saatını paylaşıb. Ulusoy paylaşıma qəzanın tarixini və “atacan” sözünü qeyd edib.
Məşhur model bu ağır günündə yanında olan hər kəsə təşəkkürünü bildirən növbəti bir paylaşım da edib. Ulusoy yazıb:
“Atamın necə sevildiyini böyük qürurla anladığım bu ağrılı günlərdə mənə göndərdiyiniz minlərlə mesajla ona layiqli bir övlad və ailə olduğumuzu xatırlatdınız... Məni tanıyan, tanımayan, gözəl mesajları ilə ürəyimi sakitləşdirən hər kəsə ailəm və öz adımdan sonsuz təşəkkür edirəm. Rəbbim bütün dualarınızı qəbul etsin”...
pia.az