Prezident İlham Əliyev sentyabrın 26-da Media Reyesterinin aparılması Qaydalarını təsdiq edib...
Fərmana görə, Medianın İnkişafı Agentliyi Xüsusi Rabitə və İnformasiya Təhlükəsizliyi Dövlət Xidməti ilə birgə Media Reyestrinin təhlükəsizliyinin təmin edilməsi üçün zəruri tədbirlər görməlidir.
Yeni qaydalara görə, ali təhsili olmayan şəxslərin jurnalist fəaliyyəti məhdudlaşdırıla bilər.
İslam Şıxəlinin 12 illik jurnalist fəaliyyəti var. Yeni qaydalara görə onun ali təhsili olmadığı üçün fəaliyyətinə məhdudiyyət qoyula bilər.
Media eksperti Ələsgər Məmmədli deyir ki, qaydalar jurnalistlərin fəaliyyətini xeyli çətinləşdirəcək. Çünki reyestrə ən azı 3 il stajı olan şəxslər daxil edilməsi nəzərdə tutulur
Mediada çalışan jurnalistlərin, redaktorların və təsisçilərin ali təhsilli olması lazımdır. Ekspert deyir ki, bu orta təhsilli amma istedadlı şəxslərin yolunu bağlamış olur. Qaydalar arasında media işçilərinin ölkədə daimi yaşayan olması da vacibdir. Məhdudiyyətlər bununla da bitmir.
Ekspert deyir ki, jurnalist fəaliyyətini daraldacaq ki, bu da məhdudiyyətdir.
İslam Şıxəli deyir ki, jurnalistlərə bu çətinlikləri yaratmağa ehtiyac yoxdur. Vicdanlı və müəyyən qabiliyyətlərə sahib olmaq bu peşəni yerinə yetirməyə kifayətdir.
Yeni Media haqqında qanun bu ilin əvvəlində qəbul olunub. Qanun layihəsinə müstəqil jurnalistlər və beynəlxalq qurumlar etiraz ediblər.
pia.az