Bu gün Minskdə Belarusun qəfildən dünyasını dəyişən xarici işlər naziri ilə vida mərasimi keçirilib…
Belarusun qəfildən dünyasını dəyişən xarici işlər naziri Vladimir Makey ilə vida mərasimi noyabrın 29-da Minskdə keçirilib. PİA.az xəbər verir ki, bu barədə “BelTA” məlumat yayıb.
Mərasimdə onun yaxınları və Xarici İşlər Nazirliyinin əməkdaşları, digər nazirlik və idarələrin rəhbərləri iştirak ediblər.
Mərasimdə Belarus prezidenti Aleksandr Lukaşenko da iştirak edib. O, nazirin tabutunun üzərinə gül dəstəsi qoyub.
Mərasimdə Rusiya tərəfdən Rusiya Xarici İşlər Nazirliyinin rəhbərinin müavini Andrey Rudenko iştirak edib.
Makey noyabrın 26-da qəflətən ölüb. Onun ölümü ilə bağlı müxtəlif versiyalar irəli sürülüb. Bəzi iddilara görə Qərbyönümlü olan nazir öldürülüb. Mərhumun 64 yaşındaydı.
Vladimir Makey 2000-ci illərin əvvəllərində Belarus prezidentinin köməkçisi, 2008-2012-ci illərdə Belarus prezidentinin administrasiyasının rəhbəri vəzifəsində çalışıb. 20 avqust 2012-ci ildən indiyədək ölkənin xarici işlər naziri olub.
pia.az
Digərxəbərlər
Populyar xəbərlər
