Lənkəranda İranı tənqid edən axund məscidin həyətində bıçaqlandı

Lənkəran rayonunda bıçaqlanma hadisəsi baş verib.

Hadisə məscidlərin birində qeydə alınıb.

Belə ki, Lüvəsər kəndinin axundu Taleh Əliyev məscidin həyətində həmkəndlisi Çingiz Əlizadə tərəfindən bıçaqlanıb.

Daxili İşlər Nazirliyinin Mətbuat Xidmətinin Lənkəran regional qrupunun baş inspektoru, polis baş leytenantı Məhəmməd Rzayev Oxu.Az-a bildirib ki, hadisə şəxsi münasibətlər zəminində olan mübahisə nəticəsində baş verib:

“Hadisəni törətməkdə şübhəli bilinən şəxs saxlanılıb. Lənkəran Şəhər Rayon Polis Şöbəsində faktla bağlı cinayət işi başlanılıb. Faktla bağlı araşdırma aparılır”.

Qeyd edək ki, həmin molla ictimai yerlərdə İranı tənqid edirmiş. Görünür, molla rejiminin dayaqlarının güclü olduğu Cənub bölgəsində bunu həzm edə bilməyiblər.

pia.az