BRİKS üzvlərinin sayı 5-dən 15-17 ölkəyə qədər arta bilər...
PİA.az xəbər verir ki, bunu Rusiyanın xarici işlər naziri Sergey Lavrov deyib.
Rusiya diplomatiyasının rəhbəri bildirib ki, BRİKS-in təsiri artdıqca, təşkilata qoşulmaq üçün müraciətlər də artır.
“Müraciət edən dövlətlər tam üzvlük istəyirlər. Əgər bu müraciətlərə hazırkı üzv dövlətlərin hamısı razılıq versə, o zaman “beşlik” hardasa 15-17 ölkəyə qədər böyüyəcək”, deyə Lavrov deyib.
Xatırladq ki, BRİKS təşkilat üç dövlət tərəfindən yaradılıb: Rusiya, Hindistan və Çin. Daha sonra Braziliya və Cənubi Afrika da bu iqtisadi birliyə qoşulub. 2022-ci ildə Türkiyə, Misir, Səudiyyə Ərəbistanı, Əlcəzair, İran və Argentina BRİKS-ə qoşulmaq istədiklərini açıqlayıblar.
Hazırda BRİKS ölkələri təşkilat üzvləri arasında hesablaşmalar üçün öz valyutalarının yaradılması məsələsi üzərində işləyirlər. Qeyd edək ki, bu təşəbbüs dollar və avro ilə hesablaşmalara təsir edən anti-Rusiya sanksiyaları fonunda xüsusi aktuallıq qazanıb.
pia.az