Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Latviya muzeyinin direktoru: "Qarabağ xalçaları tarixi danışır"

ƏLatviyanın Qulben rayonunun Tarix və İncəsənət Muzeyi Azərbaycanda xalçaçılıq sənətini araşdırmış tanınmış latviyalı rəssam Yulius Straumeyə həsr olunmuş kitab nəşr etdirməyi planlaşdırır.

Bunu “Report”a Qulben rayonunun Tarix və İncəsənət Muzeyinin direktoru Valda Vorza bildirib.

“Biz kitab nəşr etdirməyi və Azərbaycan ilə birgə layihələr həyata keçirməyi, Latviya rəssamlarının Azərbaycanda sərgilərinin təşkilini davam etdirməyi planlaşdırırıq. Bütün bunlar ölkələr arasında mədəni əməkdaşlığın möhkəmləndirilməsinə kömək edəcək”, - o bildirib.

Vorza Azərbaycana ikinci dəfə səfər etdiyindən çox məmnun olduğunu etiraf edib. O qeyd edib ki, bu dəfə Azərbaycanı və Latviyanı ötən əsrin əvvəllərində 16 il Qafqazda, o cümlədən Azərbaycanda yaşayıb-yaratmış latviyalı tətbiqi incəsənət ustası Yulius Straumenin yaradıcılığı bir araya gətirib. Latviyalı rəssam Şuşa şəhərində tətbiqi incəsənətdən dərs deyib. Orada o, Qarabağ xalçalarının şəkillərini çəkib və xalçaçılığın bütün incəliklərini, o cümlədən Azərbaycanın bu regionunun xalçalarına xas ornamentlərin özünəməxsusluğunu öyrənib.

“Nəşr etdirməyi planlaşdırdığımız kitab Yulius Straumenin Şərq motivlərindən istifadə etdiyi işlərinə həsr olunacaq. Azərbaycanda yaşadığı müddət ərzində o, xalçaçılıq sənətinə yiyələnmiş və hətta özü 10 xalça toxuyaraq, onların dizaynını düşünmüşdür”, - o qeyd edib.

“İncəsənət və mədəniyyət Azərbaycan və Latviya xalqları arasında ən dayanıqlı körpüdür. İnsanlar Qarabağ xalçalarında, bu ornamentərdə, bu rənglərdə xalqın mahiyyətini, adət və ənənələrini əks etdiriblər. Qarabağ xalçaları tarixi danışır, həmin dövrün həyatı və məişəti haqqında məlumat verirlər. Bu, əvəzolunmaz qiymətə malikdir”, - o qeyd edib.

Vorza Qulben rayonunun Tarix və İncəsənət Muzeyinin kolleksiyasının Azərbaycan Milli Xalça Muzeyində nümayiş olunacağını əlavə edib.

“Sərgidə Latviyada toxunan tətbiqi incəsənət nümunələrinin, Yulius Straumenin dizaynı əsasında toxunmuş xalçaların replikalarının, həmçinin maraqlı çini məmulatların nümayiş etdiriləcəyi gözlənilir”, - o deyib.

pia.az 


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

“Qarabağ”ın baş məşqçisi cəzalandırılıb

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

Prezident Xankəndidə Novruz tonqalını alovlandırıb, xalqı təbrik edib - Yenilənib

Paşinyan: Əks halda həftənin sonunda müharibə olacaq...

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Ən çox oxunanalar