İsveç Türkiyə ilə NATO müzakirələrini davam etdirəcək…

İsveçin NATO üzrə müzakirəçisi Stenström: “Türkiyə ilə dialoq bu həftənin əvvəlində başlaya bilər”.

PİA.az xəbər verir ki, onun sözlərini “Anadolu” Agentliyi sitat gətirib.

İsveçin NATO-ya üzvlüklə bağlı baş müzakirəçisi Oskar Stenstrom bu həftənin əvvəlində Türkiyə ilə dialoqu bərpa etmək niyyətində olduğunu açıqlayıb. O, təmasların şəxsi görüşlər xarakteri daşıyacağını vurğulayıb.

Qeyd edək ki, daha əvvəl İsveçin xarici işlər naziri Tobias Billstrom “Quran”ın yandırılması ilə bağlı hərəkətlər fonunda ölkənin NATO-ya qəbulu prosesinin dayandırıldığını, lakin o, iyulda keçiriləcək Vilnüsdə Şimal Alyansının Xarici İşlər nazirliklərinin sammitində Ankara ilə razılığa gəlməyə ümid etdiyini açıqlamışdı.

“Hazırda faydalı və mötəbər görüş olmayacağından, bir araya gəlib danışıqlar aparmaq mənasız olacaq və bu, çox güman ki, prosesi daha da çətinləşdirəcək. Bununla belə, düşünürəm ki, şəxsi görüşləri davam etdirmək üçün gələn həftənin əvvəlində Türkiyə tərəfi ilə əlaqə saxlayacağam”, deyə Stenström bildirib.

Yanvarın 29-da Ərdoğan bildirib ki, Finlandiya və İsveç NATO-ya üzv olmaq niyyətləri ilə bağlı Ankaradan fərqli qərarlar ala bilər və bununla əlaqədar İsveçin şoka düşməsi mümkündür.

pia.az