İranın yeni prezidentinin adı məlum olub. İranın Secki Qərargahı açıqlayıb ki, iyunun 18-də keçirilən seçkinin ilkin nəticələrinə əsasən, İbrahim Rəisi qalibdir.
Artıq prezident Həsən Ruhani xələfini təbrik edib.
İbrahim Rəisi kimdir?
İbrahim Rəisi 1960-cı ildə İranın əsas dini mərkəzlərindən biri olan Məşhəddə (Noqan məhəlləsində) anadan olub.
O, 15 yaşında İranın dini-siyasi, ideoloji mərkəzinin nüvəsi sayılan Qum hövzəsində təhsil alır.
İbrahim Rəisi hüquqşünasdır.
Rəisi 1981-ci ildə Kərac şəhərinin prokuroru vəzifəsində çalışıb. Daha sonra isə vəzifəsində bir az da irəliləyərək Həmadan vilayətinin prokuroru kürsüsündə əyləşib.
Az müddət sonra isə, Loristan, Səman və Kirmanşah bölgələrinin prokuroru olub. Onun fəaliyyəti ali dini rəhbər Seyid Əli Xameneinin ürəyincə olduğundan daha yüksək vəzifəyə təyinat alır. O, 1989-cu ildə Tehranın baş prokuroru təyin edilir.
Rəisi 1994-cu ildə ölkənin Müfəttişlik Təşkilatının sədri seçilir 10 il bu vəzifəsində çalışır.
2004-cü ildən 2014-cü ilədək ölkənin Ali Məhkəməsinin birinci müavini və 2014-2015-ci illərdə isə ölkənin baş prokuroru postunda fəaliyyət göstərib.
2015-ci ildə ölkənin Ali Dini Rəhbəri tərəfindən ruhanilərə özəl məhkəmənin rəhbəri olaraq təyin olunur.
Qeyd edək ki, İbrahim Rəisi, bundan əvvəlki prezident seçkilərində də (2017-ci ilin mayın 19-u) namizəd olub.
pia.az
Digərxəbərlər
Populyar xəbərlər
