"Yarı-seçki, yarı-mitinq yolu ilə hakimiyyətə gəlmiş Paşinyan Moskvanın bu gün ona göstərdiyi mitinq basqısı qarşısında çətin durumdadır"
Pravda.az-ın xəbərinə görə, bunu REAL Partiyanın sədri İlqar Məmmədov bildirib.
İ.Məmmədov qeyd edib ki, Paşinyan mitinqləri sərt əzə bilmir, çünki vaxtilə məhz güllələnmiş 2008-ci ilin mart mitinqinin iştirakçısı kimi həbs edilmişdi, dinc etirazla davranma qaydaları haqqında hakimiyyətə illərcə iradlar oxuyurdu: "Moskva Paşinyanı devirsə mütləq, devirməsə isə bəlkə: Ukrayna savaşından sonra Rusiya ilə Qərbin barışması onların Ermənistana üzərimizdə qələbə hədiyyə etməsi ilə müşaiyət olunacaq. Çünki onlar dünyaya hansısa sahələrdə ortaq nailiyyət təqdim etməlidirlər ki, yenidən dostlaşmaları məzmunlu, məntiqli görünsün. "Yazıq Ermənistanın vəhşi Azərbaycanın caynağından qurtarılması" hekayəsini tarixdə bir dəfə artıq oxumuşuq. İndiki Azərbaycan hakimiyyətinin demokratik legitimliyinin kəskin şəkildə aşağı olması bəhs etdiyim risk bağlantısında milli mövqeyimizi çox zəiflədir. Referendum, ardınca isə ATƏT və AŞPA-dan davamlı təriflər qoparacaq parlament seçkisi sözü gedən riski nə qədər də olsa azaldar...".
pia.az