İlon Maska məxsus Neuralink şirkəti əllərdən istifadə etmədən kompüter və telefonla işləmək üçün ilk insana çip taxmağı planlaşdırır...
PİA.az TASS-a istinadən xəbər verir ki, bu barədə amerikalı iş adamı mətbuat konfransında bildirib.
Biznesmenin sözlərinə görə, bu planın reallaşması təxminən altı ay ərzində baş verə bilər. Mask qeyd edib ki, artıq heyvanlar üzərində də oxşar tədqiqatlar aparılıb və çipin implantasiyası zamanı lazımi ehtiyat tədbirləri görülüb.
Mask əlavə edib ki, bu layihəyə icazə almaq üçün lazım olan sənədlərin əksəriyyəti artıq ABŞ-ın Qida və Dərman Departamentinə təqdim edilib.
Bildirilir ki, 2021-ci ilin fevral ayında Neuralink meymunlardakı çiplə bağlı araşdırma aparıb. Çiplə əlaqə iPhone vasitəsilə baş verib. Nəticədə meymun coystikdən istifadə etmədən kursoru ekranda hərəkət etdirməyi öyrənə bilib.
pia.az