Həyat keyfiyyətinə görə dünyanın ən yaxşı şəhərləri açıqlanıb – Siyahı

“The Economist” jurnalı həyat keyfiyyətinə görə dünyanın ən yaxşı şəhərlərinin adlarını açıqlayıb.

Nəşrin ənənəvi “Economist Intelligence Unit (EIU)” reytinqində ilk yeri Yeni Zelandiyanın Oklend şəhəri tutub. Şəhər rəhbərliyi pandemiya ilə uğurlu mübarizə sayəsində karantinlə bağlı məhdudlaşdırıcı tədbirlərin tətbiqindən yan keçməyi bacarıb.

Siyahının ötənilki lideri Vyana isə məhz karantin səbəbindən ilk onluğa belə düşə bilməyib.

Reytinqin sonuncusu isə təhlükəsizliyin zəif olması səbəbindən bu yerdə qərarlaşan Suriyanın Dəməşq şəhəri olub.

Beləliklə, dünyanın ən rahat şəhərlərinin ilk onluğu aşağıdakı kimidir:

Okland, Yeni Zelanadiya;

Osaka, Yaponiya;

Adelaida, Avstraliya;

Vellinqton,Yeni Zelandiya;

Tokio, Yaponiya;

Pert, Avstraliya;

Sürix, İsveçrə;

Cenevrə, İsveçrə;

Melburn, Avstraliya;

Brisben, Avstraliya.

pia.az