Gürcüstanda yaşayan 38 müsəlman din xadiminin Ağdama səfəri başa çatıb.
APA-nın yerli bürosu xəbər verir ki, din xadimləri əvvəlcə rayonunun Ağdamkənd kəndində olub.
Burada ermənilərin viran qoyduğu kəndlər barədə məlumat verilib, ermənilərin bütün yaşayış məntəqələrini minaladığı diqqətə çatdırılıb.
Din xadimləri Ağdam şəhərinin qalıqlarına baxıb, daha sonra Pənahəli xanın imarətində olub. Qonaqlara ermənilərin işğal müddətində bütün tarixi, dini və mədəni obyektləri tamamilə talan edib, xarabalığa çevirdikləri barədə məlumat verilib. Gürcüstandan gələn din xadimləri daha sonra Ağdam Dram Teatrının, Ağdam Çörək Muzeyinin qalıqlarını öz gözləri ilə görüb, ermənilərin dağıtdığı Ağdam Cümə məscidində aparılan bərpa işləri ilə tanış olub.
Gürcüstandan gələn qonaqlara ermənilərin söküb dağıtdığı, qəbirləri təhqir etdikləri Ağdam Şəhidlər xiyabanı haqqında da məlumat verilib.
Sonda qonaqlara yeni tikiləcək Ağdam şəhəri və ətraf yaşayış məntəqələrinin Baş planı göstərilib.
Nümayəndə heyəti Ağdam şəhərindən sonra Füzuli rayonuna yola düşüb. Qonaqlar Füzulidən sonra isə Şuşaya gedəcək.
***
Gürcüstandan gələn azərbaycanlı din xadimlərinin Ağdamın işğaldan azad edilən ərazilərinə səfəri başlayıb.
"Report"un Qarabağ Mərkəzinin verdiyi məlumata görə, din xadimləri əvvəl rayonun Ağdam kənd kəndində olublar.
Qonaqlar burada erməni vandallığının əyani mənzərəsini müşahidə ediblər. Onlara işğal dövründə Ağdamın ermənilər tərəfindən minalanması, hazırda da rayon ərazisində mina təhlükəsinin daha ciddi bir şəkildə olması barədə məlumatlar verilib.
Hazırda səfər davam edir.
pia.az
Digərxəbərlər
Populyar xəbərlər
