Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Gürcülər qəzəblənib... - Gürcüstan niyə Avropa Birliyindən kənarda saxlanıldı?

Gürcü xalqının qəzəbi AB-yə deyil, öz hökümətlərinə və Rusiyaya qarşıdır... Bəs Gürcüstan hökümətinin bu məsələdə “günahı” nədən ibarətdir?..

Politoloq: “Gürcüstan, Moldova və Ukraynanın üçlü konfiqurasiyasından məsələyə münasibət göstərsək, görərik ki, burada da Qərb institutları, Qərb təchizatları ikili standartları tətbiq edir”.

Avropa İttifaqı həmişə deyir ki, biz qonşuluq siyasətində heç kəsə fərq qoymuruq. Amma əslində belə deyil”.

Bu sözləri politoloq Tofiq Abbaslı Gürcüstanda keçirilən mitinqləri PİA.az-a şərh edərkən qeyd edib.

Gürcüstanın Ukrayna və Moldavadan fərqli olaraq Avropa Birliyinə üzvlüyə namizəd ölkə olaraq qəbul edilməməsi gürcüləri çox qəzəbləndirib. Lakin onların qəzəbi AB-yə deyil, öz hökümətlərinə və Rusiyaya qarşıdır. Bu qəzəb də etiraz aksiyalarında özünü göstərir. Etirazçılar bir həftə ərzində hökümətin istefasını tələb edirlər.

Gürcüstanın Avropa Birliyindən kənarda saxlanılmasını səbəbi nədir? Bu doğrudanmı Gürcüstanda demokratiyanın müharibə şərtlərində yaşayan Ukrayna və Moldavada olduğundan az olması ilə əlaqəlidir, yoxsa başqa səbəblər var? Xüsusən də, Gürcüstan hökümətinin bu məsələdə “günahı” nədən ibarətdir?

Gürcüstanın Avropa Birliyindən kənarda qalmasının səbəblərini PİA.az-ın əməkdaşı politoloq Tofiq Abbaslı ilə müzakirə edib.

Tofiq Abbaslı: “Gürcü xalqı özü-özünü aldadır. Bu məsələdə hökumətin heç bir günahı yoxdur”.

Daim inqilabi şəraitdə yaşamağın dəhşətə aparılan yol demək olduğunu düşünən politoloq OİA.az-a bildirib ki, bu baxımdan da gürcü xalqı vədlərə inanmamalıdır və öz yolu ilə də getməlidir:

“Gürcüstan, Moldova və Ukraynanın üçlü konfiqurasiyasından məsələyə münasibət göstərsək, görərik ki, burada da Qərb institutları, Qərb təchizatları ikili standartları tətbiq edir. Bu ölkələrin üçü də xristian ölkəsidir, üçü də guya Qərb demokratiyasının dəyərlərini bölüşürlər, əməkdaşlıq edirlər. Amma sanki Gürcüstanı Avropa Birliyindən bir az kənarda saxlayırlar. Burada da bir neçə səbəblər var:

1. Moldova və Ukrayna qurudan Avropa İttifaqı ilə bilavasitə həmsərhəddir. Gürcüstanın sərhəddi isə Qara dəniz vasitəsilədir.

2. Mental baxımdan gürcülər köklü surətdə ukraynalılar və moldovalılardan fərqlənirlər. Avropalılara görə gürcülər Avropa irqinə aid deyillər. Gürcülər isə uzun illərdir çalışırlar ki, özlərinin avropalı olduqlarını sübut etsinlər. Onlar deyirlər guya onların kökü İspaniyada, Avropanın göbəyindədir. Amma gürcülər bunları deməklə özlərini AB-yə yaxınlaşdıra bilmirlər.

Tofiq Abbaslı: “Avropa gürcülərə vəd verir, onları şirnikləşdirirlər, amma əməli işlərə gələndə Kiyevi önə, Tbilisini geriyə atırlar”.

Avropa İttifaqı həmişə deyir ki, biz qonşuluq siyasətində heç kəsə fərq qoymuruq. Amma əslində belə deyil. Elə Gürcüstanı misal göstərmək kifayətdir ki, burada ikili standartlar var. Avropa gürcülərə vəd verir, onları şirnikləşdirirlər, amma əməli işlərə gələndə Kiyevi önə, Tbilisini geriyə atırlar. Halbuki bu gün Gürcüstanda sabitlikdir, Ukraynada müharibə gedir, Moldava isə müharibə şəraitindədir.

Gürcüstunla Azərbaycanın fərqi ondadır ki, Azərbaycan ona verilən vədləri nəzərə alır, amma onlara aldanmır. Çünki Azərbaycanın özünün yolu var. Hər bir xalqın gərək özünün dəyərləri, hədəfləri, prioritetləri olsun. Bu baxımdan Azərbaycan tək Qafqaz bölgəsində deyil, postsovet məkanında digərlərindən fərqlənir. Avropa İttifaqı Azərbaycanı da aldatmağa çalışıb və çalışır.

Düşünürəm ki, gürcü xalqı özü-özünü aldadır. Orada hökumətin heç bir günahı yoxdur. Onsuz da Gürcüstan dəfələrlə inqilabların qurbanına çevrilib. Daim inqilabi şəraitdə yaşamaq da dəhşətə aparılan yol deməkdir. Bu baxımdan da gürcü xalqı vədlərə inanmamalıdır və öz yolu ilə də getməlidir”.

Nərminə UMUDLU
pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Məşhur avtomobil markasının Azərbaycanda istehsal tarixi açıqlandı 

Tacir Şahmalıoğlu: “Evliliyim alınmadı, boşandım”

Prezident Xankəndidə Novruz tonqalını alovlandırıb, xalqı təbrik edib - Yenilənib

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Nömrəsini sərnişinə vermək istəyən sürücü cəzalandırıldı - Açıqlama

“Qarabağ”ın baş məşqçisi cəzalandırılıb

Ramazan ayının doqquzuncu gününün imsak, iftar və namaz vaxtları    

Ən çox oxunanalar