Ermənistan Müdafiə Nazirliyinin rəhbəri, baş nazirin keçmiş müavini, ərazi inkişafı və infrastrukturun keçmiş naziri Suren Papikyan evlənməyə hazırlaşır. “Aravot” qəzeti yazır ki, toy yanvarın 22-nə planlaşdırılıb və “Firon” restoran kompleksində baş tutacaq.
Bəy və gəlin artıq qonaqlara toya dəvətnamələr göndərir. Qəzet qeyd edir ki, toydan sonra cütlük dövlət malikanələrindən birində məskunlaşmaq niyyətindədir.
Sputnik Ermənistan xəbər verir ki, nazirin gələcək həyat yoldaşı Armine Muradyandır. O hazırda Ermənistanın Ərazi İnkişafı Fondunda işləyir. Əvvəllər, Papikyanın şöbə müdiri olduğu dövrdə o, ərazi idarəetmə nazirinin mətbuat katibi vəzifəsində çalışıb. (virtualaz.org)