Cümə axşamı, 29 İyul 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Erməni xalqı Paşinyanı seçməklə hansı mesajı verdi?

Erməni xalqının seçimi sabah üçün necə bir Ermənistan ortaya qoyur?..

Politoloq: “Təbii ki, pis və ən pislər içində Paşinyanın qalib gəlməsi daha məqbul idi. Onun 50 faizdən çox səs toplaması o deməkdir ki, həm parlamentdə, həm də hökumətdə heç bir mane ilə qarşılaşmayacaq”.

“Erməni cəmiyyəti Qarabağı kənara qoyaraq sosial-iqtisadi vəziyyətlə bağlı narahatlıqlarını dilə gətirdilər. Onlar sosial-iqtisadi vəziyyətlərinin dəyişməsini istəyirlər. Bu da o deməkdir ki, erməni cəmiyyəti Qərbə inteqrasiyanı və Rusiyanın gec-tez Ermənistandan çıxarılmasını istəyir”.

Bu sözləri politoloq Zaur Məmmədov Ermənistanda keçirilən seçkilərin nəticələrini PİA.az-a şərh edərkən qeyd edib.

Ermənistanda keçirilən növbədənkənar parlament seçkilərdə Paşinyanın partiyası seçicilərin 50%-dən artıq səsini alaraq qalib oldu.

Erməni xalqının seçimi necə bir Ermənistan ortaya qoyur və Azərbaycanın tam qələbəsi ilə başa çatan 44 günlük müharibədən sonra erməni xalqın verdiyi mesaj nədən ibarətdir? Həmçinin Paşinyan xalqdan aldığı mandatı daxili siyasətdə və Azərbaycanla münaqişənin həllində necə dəyərləndirəcək?

Mövzunu PİA.az-ın əməkdaşı Bakı Politoloqlar Klubunun sədri Zaur Məmmədov ilə müzakirə edib.

Zaur Məmmədov: “Zəngəzur əhalisinin də məhz Nikol Paşinyana səs verməsi onun göstəricisidir ki, indiki halda erməni xalqı yeni müharibədən qorxur”.

Erməni cəmiyyətinə Azərbaycan və Türkiyə ilə mülayim siyasət aparacaq, eyni zamanda Azərbaycan və Türkiyə ilə yeni münasibətlərin əsasını qoyacaq bir şəxsin lazım olduğunu vurğulayan politoloq PİA.az-a bildirib ki, həmin şəxsi onlar Nikol Paşinyanın timsalında görmüş oldular:

“Təbii ki, pis və ən pislər içində Paşinyanın qalib gəlməsi daha məqbul idi. Onun 50 faizdən çox səs toplaması o deməkdir ki, həm parlamentdə, həm də hökumətdə heç bir mane ilə qarşılaşmayacaq. Həmçinin hökumətin qurulmasında koalisiyaya ehtiyac olmayacaq. Eyni zamanda parlamentdə qərarların qəbul edilməsində Paşinyanın hər hansı siyasi partiya ilə müttəfiqliyə ehtiyacı olmayacaq.

Erməni cəmiyyəti Qarabağı kənara qoyaraq sosial-iqtisadi vəziyyətlə bağlı narahatlıqlarını dilə gətirdilər. Onlar sosial-iqtisadi vəziyyətlərinin dəyişməsini istəyirlər. Bu da o deməkdir ki, erməni cəmiyyəti Qərbə inteqrasiyanı və Rusiyanın gec-tez Ermənistandan çıxarılmasını istəyir.

Hətta Zəngəzur əhalisinin də məhz Nikol Paşinyana səs verməsi onun göstəricisidir ki, indiki halda erməni xalqı yeni müharibədən qorxur. Çünki onlar 44 günlük müharibədə Azərbaycan ordusunun hansı gücə sahib olduqlarını gördülər.

Buna görə də onlara Azərbaycan və Türkiyə ilə mülayim siyasət aparacaq, eyni zamanda Azərbaycan və Türkiyə ilə yeni münasibətlərin əsasını qoyacaq bir şəxs lazım idi. Həmin şəxsi erməni cəmiyyəti Nikol Paşinyanın timsalında görmüş oldular”.

Nərminə UMUDLU
pia.az


Etiket: Ermənistan


Digərxəbərlər

Populyar xəbərlər

Əbülfəs Qarayev xaricə getmək istəyərkən hava limanından geri qaytarılıb

Ermənistan ordusunun Kəlbəcər istiqamətində ötən gecə dağıdılan postu

Aqil Abbas: "Allahşükür Paşazadə Ermənistanın dini lideri olacaq" - Video

“Bu hegemonluq, yaramazlıq və alçaqlıqdır” - Xeyrəddin Qocadan vaksin açıqlaması

Azərbaycanlı kriminal avtoritet Rusiyada dünyasını dəyişdi

“Daha müxalifətçiliyə yer qalmayıb” - Flora Kərimova

“Hər küçədən keçənə cavab vermək niyyətim yoxdur”

Makron Bakıya gəlir... - Azərbaycana düşmən kimi baxan Fransa prezidentinin bu səfəri nəyə hesablanıb?

Putin Rusiya Təhlükəsizlik Şurasında Azərbaycan-Ermənistan sərhədindəki vəziyyəti müzakirə edib

Ermənistanın vaxtına günlər qaldı - Azərbaycan tarixi hadisənin astanasında

Ən çox oxunanalar