Şənbə, 01 Oktyabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Dünyanın ən varlı insanları düyməyə basdı: mühüm axtarış başladı

Ceff Bezos, Maykl Blumberq və Bill Qeyts də daxil olmaqla dünyanın ən varlı insanları Qrenlandiyanın qərb sahilində başladılan xəzinə axtarışını maliyyələşdirir. Buzlaqların əriməsi ilə ortaya çıxan nadir və çox qiymətli mineralların yaşıl enerji üçün yeni bir qapı açacağı bildirilir...
İqlim dəyişikliyinin təsirlərindən əziyyət çəkən Qrenlandiyada buzlaqların sürətlə əriməsi yaşıl enerjiyə keçid üçün mühüm minerallar axtaran mədən şirkətləri üçün yeni bir qapı açıb.

Musavat.com CNN-ə istinadən xəbər verir ki, Qrenlandiyanın Disko və Nuussuaq yarımadalarının təpələri və dərələrin səthinin altında yüz milyonlarla enerji mənbəyini təmin etmək üçün kifayət qədər vacib mineralların olduğu düşünülür.

"Kobold Metals" və "Bluejay Mining" adlı iki şirkət yaşıl enerji üçün vacib olan son dərəcə nadir və qiymətli mineralları tapmaq üçün əməkdaşlığa başlayıb.

Sözügedən şirkətlərin 30 geoloqu, geofiziki və onları müşayiət edən pilotlar, texniki işçilər artıq ərazidə düşərgə qurublar.

Ceff Bezos, Maykl Blumberq və Bill Qeyts kimi dünyanın ən varlı adamları da yaşıl enerji baxımından həyati əhəmiyyət kəsb edən mineralların axtarışları üçün səfərbər olub. Onlar qızıldan qiymətli "xəzinə" axtarışlarını maliyyələşdirirlər.

"Bölgədə dünyadakı birinci və ya ikinci ən əhəmiyyətli nikel-kobalt yatağı olduğunu düşünürük" - "Kobold Metals"in baş direktoru Kurt Haus CNN-ə açıqlamasında deyib.

Bölgədəki qruplar yerin altındakı elektromaqnit sahəsini ölçmək üçün torpaq nümunələri götürür, qaya təbəqələrinin xəritəsini çəkir, helikopter və dronların köməyi ilə dəqiqləşdirmələr aparırlar.

Komandalar tərəfindən əldə edilən məlumatlar süni intellektlə təhlil edildikdən sonra dəqiq olaraq haraların qazılacağı müəyyənləşəcək.

"Bluejay Mining" şirkətinin baş direktoru Bo Moller Stensqard Qrenlandiyada iqlim dəyişikliyinin nəticələrinin qorxulu olacağına diqqət çəkib:

"Bu nəticələr həyəcan verici olsa da, Qrenlandiyada kəşfiyyat işlərini asanlaşdırıb".

Stensqard həmçinin bildirib ki, iqlim dəyişikliyi dənizdə buzları əritdikcə ekipaj üzvləri əldə etdiklərini qlobal bazara daha asan göndərə biləcəklər.

Qeyd edək ki, dünyanın ikinci ən böyük buz təbəqəsi kimi tanınan Qrenlandiyada buzlaqın əriməsi son vaxtlar böyük narahatlıq doğurur.

NASA-nın alimi Natan Kurtz CNN-ə açıqlamasında buzlaqların 20-30 il ərzində tamamilə yox olacağının gözləndiyini bildirib.

pia.az

 

 


Etiket:


Digərxəbərlər

General-mayor Bəkir Orucov "Tərtər işi" üzrə təqsirli bilinərək həbs olunub - Yenilənib

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Ukraynanın 4 regionunun Rusiyaya daxil olmasına dair sazişlər imzalandı - Yenilənib

Tofiq Yaqublu sərbəst buraxılıb- Yenilənib, Video

Rasim Məmmədov: "İşçi nə bilsin ki, Rövnəq Abdullayev, Ziya Məmmədov, Cavid Qurbanov zavoda nə qədər metal göndərib"

Hücum helikopterləri Zahedan üzərində uçaraq Bəluç nümayişçilərinə atəş açdı - Video, Yenilənib

AMEA-nın yeni strukturunda 22 elmi müəssisə fəaliyyət göstərəcək - Siyahı

Paşinyan NATO hərbçilərini Azərbaycanla sərhədə gətirir - Təhlükəli oyun

Ən çox oxunanalar