Çərşənbə, 16 İyun 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

DTX bu dəfə hansı icra başçısının "qapısını döyəcək?"

Növbədə hansı icra başçılarıdır?...

Dövlət Təhlükəsizliyi Xidmətinin (DTX) Neftçala rayonundan sonra daha bir neçə rayonda əməliyyat keçirəcəyi ehtimal edilir.

PİA.az-ın xəbərinə görə, bu əməliyyatlar daha çox narazılığın olduğu rayonlarda həyata keçirilir.

Prezident Administrasiyasının Vətəndaşların müraciətləri ilə iş şöbəsinin müdiri Süleyman İsmayılovun bir neçə gün öncə dərc olunan məqaləsində qeyd edilib ki, şikayətlərin sayı 2018-ci illə müqayisədə Xətai, Yasamal, Yevlax, Ağdam, Ağstafa, Ağsu, Beyləqan, Bərdə, Biləsuvar, Cəbrayıl, Gədəbəy, İmişli, Laçın, Neftçala, Salyan, Şamaxı, Şəmkir, Zərdab, digər şəhər və rayonlardan artıb.

Bildirilib ki, şikayətlərin təhlili və onlara obyektiv baxılması dövlət qurumlarında biganəliyin, süründürməçiliyin qarşısını almağa kömək etdiyinə görə bu müraciətlər daha diqqətlə öyrənilir: "Prezident Administrasiyasına daxil olan şikayətlər hansı sahələrdə və ya hansı bölgələrdə işin düzgün qurulmadığını da əks etdirdiyinə görə onların sayı, mövzuları, haradan daxil olması və onları doğuran səbəblər mütəmadi olaraq təhlil edilir. Mövzular üzrə təhlil göstərir ki, hüquq mühafizə və məhkəmə orqanlarının, həmçinin vəzifəli şəxslərin fəaliyyəti, bank əməliyyatları, kreditlərin verilməsi, əmək mübahisələri, işdən çıxarılma, səhiyyə müəssisələrinin və tibbi personalın fəaliyyəti, fərdi torpaq və əkin sahələrinin zəbt olunması, əlillik dərəcələrinin düzgün təyin edilməməsi, tibbi-sosial ekspert komissiyalarının, özəl müəssisələrin fəaliyyəti, mərkəzi və yerli qurumlarda vətəndaşların qəbulu və müraciətlərinə baxılması, bəzi şəhər, rayon icra hakimiyyətlərinin və bələdiyyələrin fəaliyyəti ilə bağlı şikayətlər daha çoxdur".

DTX bir müddət əvvəl Ağstafada əməliyyat keçirdi, rayon icra hakimiyyətinin başçısı Nizaməddin Quliyev və birinci müavini Ramiz Tatarov saxlanıldı, cinayət işi açıldı və həbs edildi. Yevlax Rayon İcra Hakimiyyətinin sabiq başçısı da həbs edilib. Fevralın 20-də də Neftçalada əməliyyat keçirildi, saxlanılanların olduğu bildirilir. Şikayətlərin daha çox olduğu rayonların siyahısında bu rayonların adları var. Siyahıda başqa rayonlar da qeyd edilib. Prezident İlham Əliyev son çıxışlarında dəfələrlə vurğulayıb ki, qanun pozuntularına yol verən məmurlar sərt cəzalandırılacaq. (Pravda.az)

pia.az


Etiket: DTX Neftçala


Digərxəbərlər

Populyar xəbərlər

“Onu əvəzləyəcək kadr yoxdurmu?” - Partiya sədri

Putinin yüksək vəzifə verdiyi nefçalalı general görün kim imiş

Ərdoğan Azərbaycanda - Rəsmi qarşılama mərasimi Şuşada olacaq - Video

İlham Əliyev Rəcəb Tayyib Ərdoğanı Füzuli rayonunda qarşılayıb -  Fotolar, Yenilənib

Yevlax məktəbində biabırçılıq - Başımızın üstünə yazılan yazı ayaqlar altında - Fotofakt

Ərdoğan Qarabağa yollanır: Cocuq Mərcanlıya səfər, “Şuşa bəyanatı”... - Video

Azərbaycan Nəqliyyat, Rabitə və Yüksək Texnologiyalar Nazirliyinə yeni təyinat olub

“Türkiyəni müdafiə etmək müqəddəs borcumuzdur” - Bayden

Ərdoğanın Şuşada rəsmi qarşılanma mərasimi olub - Video, Yenilənib

Levon Ter-Petrosyan: Dünya Qarabağı Azərbaycan ərazisi hesab edir, hər şey bitdi

Ən çox oxunanalar