Bazar ertəsi, 15 Avqust 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Daha bir “tender canavarı” ortaya çıxdı – Bu dəfə rayonda…

Zərdab rayon Kommunal Müəssisələr Kombinatı tərəfindən keçirilən tender müsabiqələrinin qalibi məlum olub.

Yeniavaz.com açıqlanan rəsmi məlumatlara istinadən bildirir ki, tenderin nəticəsinə əsasən “Blue Diamond” MMC (VÖEN-5300722751) Zərdab rayon Kommunal Müəssisələr Kombinatı üçün yük maşının əsaslı təmiri xidməti göstərəcək və digər nəqliyyat vasitələrinin ehtiyat hissələrini satacaq. Bu xidmət və mallar üçün 36 min 5 manat 25 qəpik alacaq. Bundan başqa “Blue Diamond” MMC Zərdab rayon Kommunal Müəssisələr Kombinatına 14 min 920 manat dəyərində 60 ədəd zibil konteyneri satacaq.

Məlumat üçün bildirək ki, “Blue Diamond” MMC ötən ay Sabirabad Suvarma Sistemləri İdarəsinə 11 min 930 manat 30 qəpik dəyərində, may ayında isə Zərdab rayon İcra Hakimiyyətinə 5 min 711 manat 80 qəpik dəyərində dəftərxana və təsərrüfat malları satıb.

Tender müsabiqələrində diqqət çəkən məqam odur ki, qalib şirkət tender elanından cəmi 14 gün əvvəl dövlət qeydiyyatına alınıb.
Nizamnamə kapitalı 10 manat olan “Blue Diamond” MMC 5 may 2022-ci il tarixində dövlət qeydiyyatına alınıb. Hüquqi ünvanı Zərdab şəhəri, Azərbaycan, ev 19, m 6-da yerləşən MMC-nin qanuni təmsilçisi Məmmədova Almaz Xidmət qızıdır. Şirkət barədə açıq internet resurslarda heç bir məlumat mövcud deyil.

Xatırladaq ki, “Dövlət satınalmaları haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır. Tender elanından cəmi 14 gün əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətin fərqli sahələrdə (avtomobil təmiri, zibil konteyneri və dəftərxana mallarının satışı) xidmət göstərmək və mal satmaq üçün hansı peşəkarlığa və təcrübəyə sahib olacağı aydın deyil.

pia.az


Etiket:


Digərxəbərlər

Ağdamın icra başçısının mədəni halı: Vaqif Həsənov daha bir şəhid bacısını edib... - Video

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Putinin aşpazı Yevgeni Priqojin Ukraynada öldürülüb? - Luqanskda “Vaqner”in qərargahı vurulub...

"Qarabağ" - "Viktoriya" oyununa biletlərin əksəriyyəti satılıb - Yenilənib

Şəmkir və Neftçalada vəzifəli şəxslərə cinayət işi açılıb - bir nəfər həbs edilib

“Misli” görünməmiş dələduzluq – udulan məbləğlər niyə verilmir?

"Kəpəz" azarkeşləri "Neftçi" ilə oyunda: "Oğul sözlərimə yaxşı qulaq as"

Dayaqları sarsılan sabiq başçı həbsin kandarında - Vaqif Abdullayevi bitirən milyonlar, adam döymək və...

“Narkotikə qurşanan uşaq işləməyən televizorun önündə heyvanlar aləminə “baxıb” qışqırırdı” 

Çimərliyə gedənlərin diqqətinə: Bu ərazilərdə bata bilərsiniz - Video

“Tank biatlonu” müsabiqəsində komandalar normativləri yerinə yetiriblər

İslamiada: Azərbaycanın 3 qılıncoynadanı yarımfinala yüksəlib

Aİ Serbiya və Kosovonun qarşılıqlı ittihamlarından narahatdır

Ən çox oxunanalar