“Covid-19-a qarşı peyvənd olunmuş adamdan qan istəmirik”...
PİA.az “The Guardian”a istinadən xəbər verir ki, Yeni Zelandiyada bir ailə 4 aylıq körpəsinin həyatını xilas edəcək ürək əməliyyatı üçün Covid peyvəndi olan bir insanın qanından istifadə edilməsinə etiraz edib. Ailənin körpənin həyatını təhlükəyə atan bu qərarı qarşısında səhiyyə xidmətləri uşağı himayə altına almaq üçün məhkəməyə müraciət ediblər.
Körpənin ailəsi peyvənd əleyhinə kampaniya aparan bir şəxsə tibbi tələbləri və oğullarının sağlamlığı barədə danışıb. Ailə körpələrinin ağır damar tıxanıqlığı olduğunu və təcili əməliyyata ehtiyacı olduğunu, lakin həkimlərin istifadə edəcəyi qandan narahat olduqlarını bildiriblər.
Ailə: “Biz peyvəndlə çirklənmiş qan istəmirik. Vəziyyət belədir. Bundan başqa biz həkimlərin etdiyi hər şeyi qəbul edirik”, deyib.
Yeni Zelandiyanın qan xidməti hər hansı bir Covid-19 peyvəndinin inyeksiyadan sonra qanda qırıldığını açıqlayıb.
Oklendin səhiyyə xidmətləri uşağın qəyyumluğunun ailədən alınaraq başqasına verilməsini və uşağa qan köçürülməsini tələb edərək Ali Məhkəməyə müraciət edib.
pia.az