Ötən gün vəfat edən Xalq artisti Canəli Əkbərov bu gün son mənzilə yola salınacaq.
Musavat.com-a Mədəniyyət Nazirliyindən bildirilib ki, Xalq artisti bu gün II Fəxri Xiyabanda dəfn olunacaq.
Bu dəqiqələrdəi Canəli Əkbərovla vida mərasimi keçirilir. Xalq artistini son mənzilə yola salmağa sənət dostları, sevənləri və ailə üzvləri qatılıb.
Qeyd edək ki, iki gün əvvəl beyin insultu keçirmişdi. Bir neçə gün öncə yenidən vəziyyəti pisləşmişdi.
Canəli Əkbərov 1940-cı ildə Lənkəran rayonunun Tükəvilə kəndində anadan olub.
Musiqi təhsilini Bakıda Azərbaycan Dövlət Musiqi Məktəbində alıb. Müəllimləri Seyid Şuşinski və Xan Şuşinskidən muğam ifaçılığının qayda-qanunlarını mənimsəyir və öz ifaçılıq qabiliyyətini təkmilləşdirir. 1965 ci ildən Canəli Əkbərov Azərbaycan Dövlət Filarmoniyasının solisti, 1976-cı ildən bu günə kimi Azərbaycan Dövlət Opera və Balet Teatrının solisti olub.
1989-cu ildə Azərbaycan Respublikasının əməkdar artisti 1992-ci ildə Xalq artisti fəxri adlarına layiq görülüb. 2002-ci ildə "Şöhrət" ordeni ilə təltif edilib.
pia.az
Digərxəbərlər
Populyar xəbərlər
