Bu ölkədə açıq havada maska taxmaq məcburi olacaq

İsraildə koronavirus infeksiyası ilə bağlı hökumət komissiyası açıq havada kütləvi tədbirlərlə bağlı yeni məhdudiyyətlər tətbiq edib.

Yeni qaydalara əsasən, avqustun 8-dən etibarən açıq məkanda 100-dən çox şəxsin olduğu təqdirdə maska taxmaq zərurəti tətbiq olunur.

Bundan başqa, avqustun 20-dən başlayaraq qapalı məkanlarda giriş və tədbirlərdə iştirak yalnız peyvənd olunmuş, xəstəlikdən sağalmış və mənfi test nəticəsi əldə etmiş şəxslər üçün mümkün olacaq. Qeyd olunur ki, bu tələb 12 yaşdan aşağı uşaqlar üçün də qüvvədə olacaq.

Xatırladaq ki, İsraildə maska taxmaqdan başqa bütün karantin tədbirləri iyunun 1-də ləğv olunmuşdu. Qapalı məkanda maska taxmaq zərurəti iyunun 15-də aradan qaldırılsa da, iyunun 25-də yoluxma hallarının artması ilə əlaqədar yenidən bərpa olunmuşdu.

pia.az