Dekabrın 2-də Aİ ölkələri Rusiya neftinin tavan qiymətinin 60 dollar/barel olması ilə bağlı razılığa gələ bilərlər...
PİA.az xəbər verir ki, bu barədə The Wall Street Journal xəbər verib. Hazırda isə Aİ dövlətləri qiymət tavanının 60 dollardan aşağı olmasında israr edən Polşadan cavab gözləyirlər.
Nəşrin mənbələrinə görə, Avropa Komissiyası dekabrın 1-də qiymət həddi tətbiq edilməsinə dair sazişin yeni mətnini Varşavaya təqdim edib. Yeni mətndə göztərilir ki, Rusiya neftinin qiymət həddini bu ölkənin ixrac etdiyi qiymətdən ən azı 5% aşağı səviyyədə saxlamaq üçün yanvar ayından etibarən Aİ ölkələri tavan qiymət tətbiq edəcəklər və bazardakı vəziyyətə görə məər iki aydan bir yenidən baxılacaq.
“The Wall Street Journal” yazır ki, Avropa rəsmiləri dekabrın 2-də qiymət tavanının razılaşdırılacağına əmindirlər, lakin onlar G7-dəki tərəfdaşları ilə (Böyük Britaniya, Almaniya, İtaliya, Kanada, ABŞ, Fransa və Yaponiya) birlikdə çıxış etmək üçün bazar gününə qədər vaxtın kifayət etməyəcəyindən qorxurlar.
Nəşrin məlumatına görə, Aİ qiymət həddi ilə bağlı bu gün razılıq əldə edərsə, qərar G7 tərəfindən yazılı şəkildə təsdiqlənməlidir.
Qəzet qeyd edir ki, G7, eləcə də Avstraliya, Aİ-nin Rusiyadan dənizlə daşınan neftə dekabrın 5-ə qədər məhdudiyyət qoyulmasını istəyir.
pia.az