Çərşənbə, 30 Noyabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Bu adam makler Fuad Babayev qruplaşmasına aiddir” - Etibar Əliyev

Deputatdan təhsillə bağlı şok ittihamlar...

"Azərbaycanın görkəmli şəxsiyyəti, uzun illər Maarif naziri olmuş akademik Mehdi Mehdizadə deyirdi ki, nazir kabinetində oturanda ən ucqar kənddə belə dərslərin necə keçirilməsini hiss etməlidir. İndi Bakı şəhərinin mərkəzində belə dərslərin necə keçirilməsi heç kimi maraqlandırmır. Rüşvət halı ictimailəşəndə, məktəbə yaraşmayan hərəkətlər baş verəndə işə keçirlər. Mehdi müəllim təyin etdiyi məktəb direktorlarına arxayınlaşaraq bu ifadəni işlətmişdi. Onun zamanında direktor işləmək böyük məsuliyyət tələb edirdi. Direktorlar tədrisi yüksək səviyyədə təşkil etməli, tərbiyə prosesini nizama salmalı, həm də uşaqların fiziki hazırlığı üçün çalışmalı idilər".

PİA.az xəbər verir ki, bunu deputat Etibar Əliyev qeyd edib.

Millət vəkili təhsil sistemini sərt tənqid edib:

"Zaman dəyişdi. İndi qruplaşmaların təyin etdirdikləri əksəriyyət direktorları yalnız qazanc maraqlandırır. Məktəbin sinifləri, idman zalları arendaya verilir, tədrisin keyfiyyəti heç kimi maraqlandırmır, məktəbin tərbiyə funksiyasından isə söhbət belə gedə bilməz. XXİ əsrin məktəbinin qarşısında daha ciddi vəzifələr qoyulur. Məktəb uşaqları həm də zərərli informasiyalardan qorumalıdır. Uşaqlar zərərli informasiyalarla elə məktəbdə əhatə olunurlar. Məktəbdə tədris mühitini direktorlar korlayır. Bunu bilərəkdən edirlər. İki misal çəkəcəm: məktəblərin birində çalışan elmlər namizədi, "Tərəqqi" medalı ilə təltif olunan, "İlin müəllimi" seçilən direktor müavinini kənara qoyub, başqa məktəbdən bioqrafiyası çirklənmiş direktor müavinini həmin məktəbə direktor təyin ediblər. Nədir ki, bu adam makler Fuad Babayev qruplaşmasına aiddir. Bu nə deməkdir? Məqsəd kollektivdə nifaq və rüşvətxorluq mühiti yaratmaqdır".

"Azərbaycanın tanınmış məktəb direktoru, "Zəngi" liseyinin qurucusu, elmlə təhsilin vəhdətini yaratmaq işində gecə-gündüz çalışan, sağlamlığını bu işə qurban verən fizika riyaziyyat - elmləri namizədi Bayram Heydərov dünyasını dəyişən kimi rüşvətxorluqda və intriqabazlıqda ad çıxarmış birini bu məktəbə direktor təyin etdilər. Uzun illər təhsildə qabaqcıl mövqe tutmuş bir liseydə tədris mühitini darmadağın etdilər. Yenə də məqsəd bəllidir. Məqsəd Ölkə təhsilini viran qoymaqdır. Digər qabaqcıl məktəb, lisey və gimnaziyaları da bu vəziyyətə salıblar. Yaxud Gəncə, Daşkəsən, Göygöl, Goranboy kimi böyük rayonların təhsilini bir aqronoma tapşırıblar. Məktəb heç bir qruplaşmanın qurbanına çevrilə bilməz. Məktəb dəyərdir. Məktəbi qoruyan cəmiyyət gələcəyini qoruyur", - deyə Etibar Əliyev fikirini tamamlayıb.(Yenisabah)

pia.az


Etiket: Etibar Əliyev


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Əsas baş rolda Vasif Talıbov və ona himayədarlıq edənlərdir” - Hafiz Hacıyev

Vasif Talıbovun qardaşının saxlanılması barədə məlumatlar əsassızdır - Yenilənib

DTX Naxçıvanda daha bir qurumda əməliyyata başladı

Azərbaycanda iki yüksək vəzifəli şəxs işdən çıxarıldı - Səbəb

Misir Mərdanov Emin Əmrullayevlə fotosundan danışdı

Naxçıvan Baş Gömrük İdarəsinə rəis təyin edilən şəxs kimdir? - Dosye 

Naxçıvan Baş Gömrük İdarəsinə rəis təyin edildi

Yeni təyin olunan Naxçıvan Baş Gömrük Komitəsinin rəisi kimdir? - Dosye

Bakıda evə basqın edilib: ailə üzvləri bıçaqlanıb, 2 nəfər öldürülüb - Yenilənib

Türkiyədə benzin Azərbaycandan ucuzdur – Avropa ölkələrinin tam siyahısı

Molla rejiminin islam yalanı və müsəlman dünyasına qarşı İran-ABŞ müttəfiqliyi…

Millət vəkili arvadının belə saymadığı partiya sədrindən danışdı - Video

Ən çox oxunanalar