Britni Spirs paylaşımı ilə rüsvay oldu

PİA.az Türkiyə mətbuatına istinadla xəbər verir ki, son zamanlar sosial media hesabında paylaşdığı rəqs videoları ilə diqqət çəkən dünya şöhrətli müğənni Britni Spirs yenidən gündəmə gəlib. Başqasının fotolarını çəkmiş kimi paylaşan Britni Spirs tənqid hədəfi olub. Şəkildəki bir detal məşhur müğənninin izləyicilərinin diqqətindən yayınmayıb. Spirs sosial şəbəkələrdə ələ salınıb.

Dünyaca məşhur müğənni Britni Spirs 41,6 milyon izləyicisi olan Instagram hesabından kilsə fotosu yayımlayıb. Fotoda arxası kameraya söykənmiş ana və uşaq əks olunub. Britni Spirs öz postunda aşağıdakı sözləri yazıb:

“Düşünürəm ki, həyatımda gördüyüm ən gözəl fotonu paylaşmaqla Instagram hesabımı yeni səviyyəyə qaldırdım. Üzlərini göstərmirlər... Ana və uşaq nəyəsə baxır, amma nə olduğunu tam görə bilmirsiniz... Çox gözəldir.”

Spirsin paylaşımı ilə bağlı həqiqət isə tezliklə üzə çıxıb. Spirsin Keyt Hadsonun fotosunu paylaşması izləyicilərinin diqqətindən yayınmayıb. Sosial şəbəkə istifadəçiləri “Gedib öz şəklini çəkməlisən” və “Niyə sadəcə şəkillərə baxırsan... Milyonlarla pulun var və azadsan! Get bu yerlərə özün bax, öz xatirələrini yarat!” kimi şərhlər yazıblar.

pia.az