Böyük Britaniyanın səlahiyyətli orqanları ölkədə ilkin təhlillərə görə daha da sürətlə yayılan koronavirus "omikron" ştamının "BA.2" adlı yeni alt növünü müəyyən ediblər. Bu barədə cümə günü Böyük Britaniyanın Səhiyyə Təhlükəsizliyi Agentliyi (UKHSA) məlumat yayıb.
İndiyədək ölkədə yeni ştamla 426 yoluxma halı qeydə alınıb, onlardan 146-sı Londonda, daha 97-si isə Cənub-Şərqi İngiltərə bölgəsindədir. Qeyd olunur ki, BA.2 ştamına ilk yoluxma 2021-ci il dekabrın 6-da baş verib.
Britaniya hakimiyyətinin məlumatına görə, ümumilikdə bu ştam 40 ölkədə müşahidə olunub və dünyada ona yoluxma hallarının ümumi sayı 8 mini ötüb. Qeyd olunur ki, ştamın mənşəyini müəyyənləşdirmək hələlik mümkün deyil.
"Viruslar təkamülə və mutasiyaya meyllidir, ona görə də biz pandemiya zamanı yeni variantların ortaya çıxacağını gözləyirdik. Davam edən genomik nəzarətimiz onları müəyyən etməyə və onların əhəmiyyət dərəcəsini qiymətləndirməyə imkan verir", - UKHSA-dan bildirib.(virtualaz.org)
pia.az
Digərxəbərlər
Populyar xəbərlər
