Boğaziçi məhkəməsi çərçivəsində 12 şəxsə 3 il həbs cəzası tələb edilib...
PİA.az Türkiyə mətbuatına istinadən xəbər verir ki, keçən il Boğaziçi Universitetinə rektor təyin edilməsinə etiraz edən və LGBTİ+ şüarları qaldırmaqda ittiham olunan 12 nəfər üçün qanuna zidd olaraq toplanmaq və yürüşlərə silahsız qatılaraq, bütün xəbərdarlıqlara baxmayaraq, yürüşə davam etmək kimi səbəblər əsas gətirilərək 6 aydan 3 ilə qədər həbs cəzası istənilib.
İstanbul 24-cü Ağır Cəza Məhkəməsində keçirilən məhkəmədə prokuror verdiyi rəyi təkrarlayıb. Rəydə hadisənin baş verdiyi tarixdə saxlanılanların Boğaziçi Universitetinin rektoru vəzifəsinə təyin olunan Prof. Dr. Melih Buluya etiraz etmək üçün universitet ətrafında bir araya gəldiyi bildirilir. Prokuror Beşiktaş və Sarıyer İlçe Qubernatorluqlarının Covid-19 tədbirləri çərçivəsində aldığı nümayiş və yürüş məhdudlaşdırma qərarları səbəbiylə, dəfələrlə edilən xəbərdarlıqlara baxmayaraq, həmin şəxslərin yürüşü bitirmədiyini bildirib.
Təqsirləndirilən şəxslərin vəkilləri qeyd olunan rəylə razılaşmadıqlarını bildiriblər və müdafiənin hazırlanması üçün məhkəmədən vaxt istəyiblər. Məhkəmə təqsirləndirilən şəxslərin vəkillərinin vaxt tələbini qəbul edərək iclası təxirə salıb.
pia.az