Beyləqanda çətənə bitkisi yetişdirən şəxs saxlanıldı

Beyləqan Rayon Polis Şöbəsinin (RPŞ) əməkdaşları narkotik tərkibli bitkilərin qanunsuz kultivasiyasına qarşı əməliyyat tədbiri keçiriblər.

Virtualaz.org DİN-in Mətbuat xidmətinin Bərdə regional qrupuna istinadən bildirir ki, daxil olmuş məlumat əsasında keçirilən əməliyyat nəticəsində narkotik tərkibli bitkilərin kultivasiyası ilə məşğul olmaqda şübhəli bilinən rayon sakini Məzahir Abbasov saxlanılıb.

Onun yaşadığı evin həyətində olan yarımçıq tikiliyə baxış keçirilən zaman 20 ədəd çətənə bitkisi aşkar edilərək götürülüb.

Faktla bağlı Beyləqan RPŞ-də araşdırma aparılır.

pia.az