Dünya Çempionatında ağır məğlubiyyət yaşayan Belçika küçələrində şiddətli etiraz aksiyaları həyata keçirən şəxslər həbs olunub...
PİA.az Türkiyə mətbuatına istinadən xəbər verir ki, Qətərdə davam edən Dünya Çempionatı çərçivəsində dünən keçirilən və Mərakeşin 2:0 hesabı ilə qalib gəldiyi Belçika-Mərakeş matçından sonra Belçikanın paytaxtı Brüsseldə zorakı hadisələr yaşanıb. Belçika polisi 11 nəfərin saxlanıldığını bildirib.
Belçikada fəaliyyət göstərən radikal sağçı Flaman Milli Partiyası (De Vlaams Nationale Partij) dünənki matçdan sonra Brüssel küçələrində baş verən zorakılığın görüntülərini paylaşıb və hadisələrdə mühacirləri günahlandırıb.
Brüssel polisi bir avtomobili yandıran, dükanların şüşələrini sındıran və atəşfəşanlıq edən nümayişçilərə qarşı su şırnaqları və gözyaşardıcı qazdan istifadə edib. Paytaxtda bəzi metro stansiyaları, avtobus və tramvay xidmətləri ləğv edilib. Polis hadisələrlə bağlı 11 nəfərin saxlanıldığını açıqlayıb.
Mer: “Hadisələri qətiyyətlə qınayıram”
Brüssel meri Filip Klouz dünən gecə saatlarında hadisələrin nisbətən sakitləşdiyini bildirərək etirazçıları qınayıb.
Şəhər meri Klouz:
“Mən bu gün günortadan sonra baş verən hadisələri qətiyyətlə pisləyirəm. Polis ictimai asayişi qorumaq üçün əlindən gələni edir”.
pia.az
Digərxəbərlər
Populyar xəbərlər
