Vladimir Putin Ukraynada hərbi əməliyyatların dayandırılmasında maraqlı olarsa, o zaman danışıqlar aparıla bilər…
PİA.az xəbər verir ki, ABŞ prezidenti, Putin Ukraynada hərbi əməliyyatların dayandırılmasında maraqlı olarsa, onunla danışmağa hazır olduğunu bildirib. Lakin ABŞ lideri öncə NATO müttəfiqləri ilə məsləhətləşmələr aparacaq.
Bayden bu barədə Ağ Evdə fransalı həmkarı Emmanuel Makronla danışıqlardan sonra keçirdiyi mətbuat konfransında bildirib.
ABŞ prezidenti həmçinin vurğulayıb ki, yaxın zamanda belə bir görücün baş tutacağına inanmır və belə planı da yoxdur.
“Həqiqətən Putin müharibəni bitirmək üçün bir yol tapmaqda maraqlı olarsa, mən onunla danışmağa hazıram. Amma o, hələ ki, bunu etməyib”, deyə Amerika lideri qeyd edib.
Bayden onu da əlavə edib ki, sPutinlə görüşü ancaq NATO müttəfiqləri ilə məsləhətləşmələrdən sonra mümkündür.
pia.az