Bazar ertəsi, 15 Avqust 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Bataqlıqda çabalayan Solovyov və ətrafındakı həşəratların Azərbaycana qarşı növbəti təxribatı - Video  

Ermənipərəst jurnalist, Rusiya təbliğat maşınının qabaqcıl əlaltısı Vladimir Solovyov növbəti dəfə öz iyrənc xislətini nümayiş etdirib.

Qəlbində heç zaman gizlədə bilmədiyi erməni sevgisinin təsiri ilə mənfur erməni xislətinə bürünmüş bu “jurnalist” Azərbaycana qarşı açıq təxribata əl atıb. O, öz canlı efirinə Qarabağdakı separatçıların “XİN rəhbəri” olmaq iddiasındakı David Babayanı dəvət edib.

Özü də çirkin kampaniyaların istehsalçısı olan təbliğat maşınının ən fəal çarxlarından biri olan V.Solovyov özünəxas riyakarlıqla sözügedən separatçını hansısa bir dövlətin rəsmi nümayəndəsi kimi qələmə verib.

Azərbaycan əraziləri ilə bağlı separatçı ilə şirin söhbət edən V.Solovyov, sadəcə pafoslu çıxış etməyə öyrəşmiş ermənini çətin duruma salıb. Qarabağda ermənilərin yaşamasının tarixi barədə danışmaq Babayan üçün heç də asan olmayıb. Görünür, gizli qapılar arxasında faktları saxtalaşdırmaqda mahir olan separatçı canlı efirdə qısa zaman kəsiyində öz xəyal gücünü bir o qədər də fəal istifadə edə bilməyib. O, V.Solovyovun təxribat qoxusu verən bu sualını sadəcə cəfəng bir neçə cümlə ilə ötüşdürməli olub.

Əvəzində isə əqidəsini, peşəsini məkrli maraqlara qurban vermiş “jurnalist” bəh-bəhlə Qarabağa səfəri zamanı eşitdiyi riyakarlıqları dilə gətirib. O, işğal illərində Azərbaycanın Qarabağ bölgəsinə səfər etdiyini erməni müsahibi ilə söhbətdə böyük qürur hissi ilə yada salıb.

Əslində, V.Solovyovun mahiyyəti, onun kimliyi, hansı dairələrin hazırladığı kampaniyaların siması olduğu, kimlərin sifarişi ilə efirə çıxıb təbliğat aparması az-çox hər kəsə bəllidir. Bu propaqanda alətinin əsl üzü hətta Qərbdə belə o qədər tanışdır ki, barəsində çox sayda sanksiyalar da tətbiq olunub.

Azərbaycan ictimaiyyəti üçün də bu erməni xislətinə bürünmüş obraz kifayət qədər yaxşı tanışdır. Vladimir Solovyovun bəlkə də sədaqətlə bağlı olduğu yeganə anlayış onun erməni sevgisidir. Elə həmin sevgi də onu bu gün bütün dünyanın ikrah hissi ilə qarşıladığı, üzərində çoxdan böyük bir əlaltı damğası ilə dolaşan, sözünə, fikrinə və əqidəsinə zərrə qədər etimad bəslənməyən birinə çevirib.

Onun Azərbaycana növbəti dəfə dil uzatmaq cəhdi isə başadüşüləndir. Buna səbəb V.Solovyov və onun kimi dırnaqarası jurnalistlərin gözünü yumub, sadəcə ağzını açmasını sifariş edənlərin Azərbaycanın qüdrətindən keçirdikləri narahatlıqdır. Onlara ən böyük cavab isə Azərbaycanın davamlı inkişafı və hər ötən gün artan nüfuzudur.

V.Solovyovu karvanın arxasınca bu cür hay-küy salmağa vadar edən ermənipərəst sahibləri də Azərbaycan qarşısında öz acizliklərini yaxşı bilirlər. Ona görə də, ən azından Solovyovun ifasında ürək bulandırmaqla təsəlli tapmağa cəhd göstərirlər.

Azərbaycanda isə bu cür aşkar təxribatlar diqqətlə izlənilir. Məsələn, “RİA Novosti” artıq etdiyi səhvin ağır nəticəsi ilə üzləşməli olub.

V.Solovyov isə hər nə qədər özündən razı görünsə də, Bakı üçün onun cılız bir təbliğat fiquru olması gün kimi aydındır.

Bu cür “jurnalist”ləri ifşa etməyə artıq gərək belə qalmayıb. Belələri artıq maskalanmaq ehtiyacı belə duymur. Çünki artıq fərqinə varıblar ki, heç bir maskanın sahib olduqları xisləti gizlədə bilməyəcək.

Odur ki, V.Solovyov düçar olduğu bataqlıqda ətrafına topladığı həşəratlarla heç nəyə nail ola bilməz. Əksinə hər dəfə bu cür çabaladıqca, həmin bataqlığın dibinə enməyə, xidmət etdiyi iyrənc maraqlarla birgə zülmətə qərq olmağa məhkumdur.

pia.az


Etiket:


Digərxəbərlər

Ağdamın icra başçısının mədəni halı: Vaqif Həsənov daha bir şəhid bacısını edib... - Video

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Putinin aşpazı Yevgeni Priqojin Ukraynada öldürülüb? - Luqanskda “Vaqner”in qərargahı vurulub...

"Qarabağ" - "Viktoriya" oyununa biletlərin əksəriyyəti satılıb - Yenilənib

Şəmkir və Neftçalada vəzifəli şəxslərə cinayət işi açılıb - bir nəfər həbs edilib

“Misli” görünməmiş dələduzluq – udulan məbləğlər niyə verilmir?

"Kəpəz" azarkeşləri "Neftçi" ilə oyunda: "Oğul sözlərimə yaxşı qulaq as"

“Narkotikə qurşanan uşaq işləməyən televizorun önündə heyvanlar aləminə “baxıb” qışqırırdı” 

Dayaqları sarsılan sabiq başçı həbsin kandarında - Vaqif Abdullayevi bitirən milyonlar, adam döymək və...

Çimərliyə gedənlərin diqqətinə: Bu ərazilərdə bata bilərsiniz - Video

“Tank biatlonu” müsabiqəsində komandalar normativləri yerinə yetiriblər

İslamiada: Azərbaycanın 3 qılıncoynadanı yarımfinala yüksəlib

Aİ Serbiya və Kosovonun qarşılıqlı ittihamlarından narahatdır

Ən çox oxunanalar