2021-ci il iyul ayının 1-nə Azərbaycanda kredit portfelinin ümumi həcmi 15 258 100 000 manat təşkil edib.
Oxu.Az-ın Mərkəzi Bankdan əldə etdiyi məlumata əsasən, bu göstərici ötən ilin eyni dövrü ilə müqayisədə 4,9 faiz, aylıq müqayisədə isə 1,3 faiz çoxdur.
Bu isə o deməkdir ki, iyun ayı ərzində bankların kredit portfelinin həcmi 191 000 000 manata yaxın artıb. Ölkədə problemli kreditlərin həcmi isə 914 600 000 manat olub və əvvəlki ayla müqayisədə 0,8 faiz artdığı halda, illik müqayisədə 14,2 faiz azalıb. Vaxtı keçmiş kreditlərin həcmi ümumi kredit portfelinin 6 faizini təşkil edib.
Kreditlərin 2 882 300 000 manatı dövlət bankları tərəfindən təmin edilib ki, bu da ötən ilin müvafiq dövrü ilə müqayisədə 11,5 faiz, aylıq müqayisədə isə 0,3 faiz çoxdur.
Özəl banklar tərəfindən isə 11 974 500 000 manat həcmində kredit verilib. İllik müqayisədə kredit həcmi 3,4 faiz, aylıq müqayisədə isə 1,3 faiz çoxdur.
Digər kreditlər isə bank olmayan kredit təşkilatları tərəfindən təmin edilib və onların kredit portfelinin həcmi 401 200 000 milyon manat olub. Bu illik müqayisədə 5,3 faiz, aylıq müqayisədə isə 6,8 faiz çoxdur.
2021-ci il iyul ayının 1-nə olan göstəricilərə əsasən, əhalinin istehlak kreditlərinin (ev təsərrüfatı) həcmi 7 323 100 000 milyon manat olub. Bu isə cəmi kreditlərin 48 faizini təşkil edib. İstehlak kreditlərinin həcmi illik müqayisədə 12 faiz, əvvəlki ayla müqayisədə isə 2,4 faiz çoxdur.
pia.az
Digərxəbərlər
Populyar xəbərlər
