Çərşənbə, 07 Dekabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakıda toy sahiblərini kütləvi şəkildə aldatdılar - Administrator tutuldu

Xətai rayonu, Babək prospekti 56 ünvanında yerləşən “Mala Praga” restoranında toy sahiblərini aldadaraq, onlardan külli miqdarda vəsait toplayıb, şəxsi işlərinə xərcləyən administratorla bağlı məhkəmə qərar verib.

Musavat.com qafqazinfo-ya istinadən xəbər verir ki, Ədalət Həsənov (soyadı şərtidir) 2018-ci ilin mart ayından “Mala Praga” restoranında administrator kimi işləyib. Həmin restoranda banket və toy məclisləri təşkil edib.

O, restoranda toy məclisi təşkil edilməsi üçün müraciət etmiş şəxsləri aldadaraq, 2022-ci ilin müxtəlif vaxtlarında onların toy və nişan mərasimlərinin keçirilməsi vaxtını təyin edib, aldığı pulları restorana ödəməyərək, şəxsi işlərinə xərcləyib.

Maddi imkanı yaxşı olmadığı üçün 2021-ci ilin dekabr ayından başlayaraq restorana gəlib toy və banket şənlikləri danışmaq istəyən şəxslərlə ünsiyyətdə olub, sonradan müştərilərlə özü gizlin şəkildə telefon əlaqəsi yaradaraq, həmin şəxslər üçün restoran rəhbərliyinin xəbəri olmadan endirim edib, əvvəlcədən beh vermələrini razılaşdırıb, aldığı pulun az qismini restoranın kitabçasında beh kimi yazdırıb, qalanını özü üçün götürüb.

O, zərərçəkmişlərdən - Yusif Babayevdən ümumilikdə 6 010, İsuliddin adlı şəxsdən 5 000, Nərmin və Ədalət adlı şəxslərdən 3 000, Teymur adlı vətəndaşdan 1 700, qohumu Günel Məmmədliyə toy etmək üçün zərərçəkmişdən 15 000 manat və digər şəxslərdən külli miqdarda vəsait alıb.

Məhkəmədə zərərçəkmiş şəxslər toy ərəfəsində keçirdikləri sarsıntıya görə təqsirləndirilən şəxslə barışmadıqlarını və onun cəzalandırılmasını tələb etdiklərini bildiriblər.

Xətai Rayon Məhkəməsinin hakimi Bəxtiyar Məmmədovun sədrliyi ilə keçirilən prosesdə təqsirləndirilən şəxs Cinayət Məcəlləsinin 178.2.2, 178.2.3 və 178.2.4-cü maddələri ilə təqsirli bilinərək, üç il müddətinə azadlıqdan məhrum edilib.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Kölgə iqtisadiyyatı”na qarşı sərt yol seçildi - DTX və İqtisadiyyat Nazirliyinə yeni səlahiyyətlər verildi

Vasif Talıbovun dövlətimizə qarşı sensasion sərəncamı

Beyləqanda 4 nəfəri qətlə yetirən Fuadın - Fotoları

Rusiyada raket ehtiyatı nə qədərdir və onlar hansı zamana tükənəcək?

Gədəbəydəki qətlin bəzi təfərrüatları məlum olub, saxlanılan var - Yenilənib

Zəhərlənən adama qatıq verməyin - Baş toksikoloq

Rusiya sülhməramlılarının iç üzü: Azərbaycanlı jurnalistlər necə təhdid olundular? - Video

DÇ-2022: Portuqaliya - İsveçrə oyununda üçüncü qol

Şəkər xəstələri üçün ən faydalı superqida

Ən çox oxunanalar