Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Azyaşlıya qarşı şiddət göstərən tərbiyəçinin fəaliyyəti məhdudlaşdırıla bilər

İsmayıllı şəhəri 1 saylı körpələr evi-uşaq bağçasında azyaşlıya qarşı şiddət göstərən tərbiyəçi Zülfiyyə Baxışovanın fəaliyyəti məhdudlaşdırıla bilər.

Bu barədə "Report"a açıqlamasında Ailə, Qadın və Uşaq Problemləri üzrə Dövlət Komitəsinin Hüquqi-Təminat şöbəsinin müdiri Taliyə İbrahimova deyib.

"Dünya praktikasına əsasən, hər hansı şəxs uşağa qarşı zorakılıq törədirsə, bununla bağlı məlumat bazaya yerləşdirilir. Bu kimi hal gələcəkdə tərbiyəçinin məhz həmin istiqamətdə fəaliyyət göstərməsini qadağan edir. Əgər o şəxsin adı həmin məlumat bazasında yerləşdirilirsə, bu, o deməkdir ki, artıq həmin şəxs bu sahədə heç vaxt fəaliyyət göstərə bilməz. Azərbaycan qanunvericiliyində də bu cür hallarla bağlı məsuliyyət nəzərdə tutulub. Hüquq-mühafizə orqanları bununla bağlı araşdırma aparır və hüquqi qiymət veriləcək", - T.İbrahimova əlavə edib.

Dövlət Komitəsinin şöbə müdiri vurğulayıb ki, Azərbaycanda da bu kimi hallarla bağlı məlumat bazası yaradıla bilər: "Artıq Dövlət Komitəsi yaxın vaxtlarda bu məsələ ilə bağlı Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə komissiyaya rəsmi müraciət edəcək. Azərbaycanda da bu istiqamətdə işlər görülməlidir. Çünki artıq neçə illərdir ki, bu cür təhsilverənlərlə bağlı faktlar ortaya çıxır. Zənnimcə, həmin insanların belə bir tarixçəsi olmalıdır ki, gələcəkdə onlar bu istiqamətdə - uşaq hüquqları ilə bağlı, təhsil verən kimi fəaliyyət göstərə bilməsinlər".

Qeyd edək ki, İsmayıllı şəhəri 1 saylı körpələr evi-uşaq bağçasında tərbiyəçi Baxışova Zülfiyyə Ədalət qızı körpəyə qarşı şiddət göstərib. O işdən çıxarılıb və hüquq-mühafizə orqanları tərəfindən təhqiqata cəlb edilib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar