“Azərsu” Açıq Səhmdar Cəmiyyətinin elan etdiyi tender müsabiqəsinin qalibi məlum olub.
Yeniavaz.com açıqlanan rəsmi məlumatlara istinadən xəbər verir ki, “Azərsu”nun tender müsabiqəsinin qalibi “Yenimotor” MMC olub.
“Yenimotor” MMC “Azərsu”ya 1 ədəd minik avtomobili satacaq və qarşılığında 73 min manat alacaq.
Məlumat üçün bildirək ki, “Yenimotor” MMC 04.03.2005-ci il tarixində dövlət qeydiyyatına alınıb. Nizamnamə kapitalı 100 manat olan MMC-nin hüquqi ünvanı Xırdalan şəhəri Bakı-Sumqayıt şossesində yerləşir. MMC-nin qanuni təmsilçisi Hüseynov Yusif Rafiq oğludur.
Onu da bildirək ki, “Yenimotor” MMC “Honda Avtomobil Mərkəzi”nin sahibidir. “Bakı Sığorta” şirkətinin səhimlərinin 9,4%-i də “Yenimotor” MMC-yə məxsusdur.
pia.az