Bazar ertəsi, 08 Avqust 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Azərbaycanda quş ətləri nazirliyin laboratoriyasında yoxlanılacaq

Azərbaycan Quş Əti, Yumurta İstehsalçıları və İxracatçıları Assosiasiyası (APEPEA) ilə Kənd Təsərrüfatı Nazirliyi Baytarlıq Elmi Tədqiqat İnstitutunun (BETİ) rəhbərliyi arasında görüş keçirilib.

APEPEA-dan “Report”a verilən məlumata görə, görüşdə qarşılıqlı əməkdaşlıq imkanları müzakirə olunub, tərəflər arasında bu əməkdaşlığa imkan verəcək memorandum imzalanıb.

APEPEA üzvləri BETİ-yə məxsus müasir avadanlıqlarla təchiz olunmuş laboratoriya ilə tanış olublar. BETİ- nin direktoru Sialə Rüstəmova quşçuluq təsərrüfatlarına quş xəstəliklərinin diaqnostikası, quş ətinin analizi, təsərrüfatlarda çalışan baytar həkimlərə təlimlərin keçirilməsi və sair istiqamətlərdə Assosiasiyaya dəstək verməyə hazır olduqlarını bildirib. APEPEA İdarə Heyətinin sədri Mürvət Həsənli Azərbaycanda qeydiyyatdan keçmiş əsas laboratoriyalardan biri ilə əməkdaşlığın quş əti istehsalçılarına geniş imkanlar yaradacağını qeyd edib. Bildirib ki, bir sıra hallarda tələblərə cavab verməyən kəsim məntəqələrində kəsilərək ölkə bazarlarına çıxarılan toyuq ətinin keyfiyyət və təhlükəsizlik parametrlərinə görə yoxlanması zərurəti yaranır. Bu kimi hallarda BETİ-nin laboratoriyasının xidmətlərindən yararlanmaq bazarlara çıxarılan keyfiyyətsiz məhsulların qarşısını vaxtında almağa imkan verəcək.

İmzalanmış memoranduma əsasən APEPEA və BETİ təsərrüfat subyektlərində quşların saxlanması, bəslənməsi, xəstəliklərə qarşı diaqnostiki müayinələrin aparılması, məhsuldarlığın yüksəldilməsi istiqamətində əməkdaşlığın inkişaf etdirilməsinə qərar veriblər. Bundan əlavə, tərəflər təsərrüfat subyektlərində riskləri qiymətləndirməklə epizootoloji sabitliyin qorunması, sağlamlaşdırıcı tədbirlərin vaxtında aparılması, profilaktiki vaksinasiyadan sonra immunitetin yoxlanılması məqsədi ilə aşağıda qeyd olunan monitorinq və diaqonstik müayinələrin aparılmasında razılığa gəliblər:

- vaksinasiya aparılan xəstəliklərin seromonitorinqinin təşkili;

- xüsusi təhlükəli xəstəliklərin PZR müayinəsi;

- mikrobioloji müayinələrin aparılması;

- biotəhlükəsizlik təlimlərinin təşkili;

- quşçuluq müəssisələrinin elmi əsaslarla idarə edilməsi və elmi-tədqiqat işlərinin aparılması. 

pia.az


Etiket:


Digərxəbərlər

Qriqoryandan yeni müharibə anonsu – Ermənistan istəməsə “Laçın dəhlizi”nin marşurutu dəyişməyəcək?..

Əbülfəz Məlikov DGK sədri olmaq istəyir?

Populyar xəbərlər

“Broker” Əbülfəz Məlikov həbs olunub? - Yenilənib

Ermənilər Laçını tərk etməyə başladı - Video

Səfirliyimizə hücum edənlər kimlərdir və ya Şirazilər haqqında bilməli olduqlarımız

Putin Ərdoğanla niyə görüşüb? - "The Guardian" nəşri

Rusiya iqtisadiyyatı iflas ərəfəsində: 5 ay ərzində ölkəni 500 min insan tərk edib

İlham Əliyev və Paşinyan Brüsseldə görüşəcək

Qəbələdə xüsusi laboratoriyada narkotik hazırlayan şəxs saxlanılıb

Niyə xaricə yaşamağa gedəndə Ərəbistanı, İranı, İordaniyanı, Livanı, Liviyanı seçmirik?

Azərbaycan Ordusunda gənc əsgərlərin andiçmə mərasimləri keçirilib - Foto

Bakıda sürücülər etiraz aksiyası keçirdi - Video

Ukraynanın üçüncü gəmisi İstanbul sahillərində lövbər salıb

Ən çox oxunanalar