Çərşənbə axşamı, 18 Yanvar 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Azərbaycanda məhkəmə müstəntiqin cəzalandırılması üçün Baş prokurora müraciət edib

Gəncə Ağır Cinayətlər Məhkəməsində Şəmkir rayonunda qətl törətməkdə təqsirləndirilən İntizam Hüseynovun cinayət işi üzrə məhkəmə iclası başlayıb.

Hakim Xəqani Səmədovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Daha sonra dövlət ittihamçısı Zaur Qasımov vəsatətlə məhkəməyə müraciət edərək təqsirləndirilən İ.Hüseynovun Cinayət Məcəlləsinin 120.2.4 (qəsdən adam öldürmə, xüsusi amansızlıqla və ya ümumi təhlükəli üsulla adam öldürmə), 29,120.2.7 (qəsdən adam öldürməyə cəhd), 29, 120.2.4, 228.1 və 228.4-cü (qanunsuz olaraq odlu silah saxlama) maddələri ilə təqsirləndirilməsinə dair cinayət işinə baxılmasına xitam verilməsini və onun ibtidai araşdırmaya prosessual rəhbərliyi həyata keçirən prokurora qaytarılması barədə qərar qəbul edilməsini xahiş edib.

Eyni zamanda, Z.Qasımov məhkəməyədək icraat zamanı Cinayət-Prosessual Məcəlləsinin (CPM) tələblərinin kobud surətdə pozulmasına yol verən Şəmkir Rayon Prokurorluğunun böyük müstəntiqi vəzifəsini icra edən III dərəcəli hüquqşünas barəsində xüsusi qərar çıxarılmasını, təqsirləndirilən şəxs barəsində seçilmiş həbsdə saxlanılma müddətinin 1 ay uzadılmasını istəyib.

Prokuror vəsatətini onunla əsaslandırıb ki, təqsirləndirilən şəxsin zərərçəkmiş qismində tanınan azyaşlı oğluna qanuni nümayəndə təyin edilməsi təmin olunmayıb, həmçinin məhkəmə tibbi ekspertizasının rəyi ilə zərərçəkmiş Sədaqət İbadullayevanın ölümünün səbəbi müəyyən edilsə də, İ.Hüseynova verilmiş ittihamda S.İbadullayevanın ölümünün səbəbi göstərilməyib.

Bundan başqa, istintaq zamanı təyin edilən Məhkəmə-Tibbi Ekspertizasının rəyi ilə zərərçəkmiş şəxsin bədəni üzərində 10 ədəd bədən xəsarətinin olması müəyyən edilsə də, təqsirləndirilən şəxsə verilmiş ittihamda cinayət əməli nəticəsində zərərçəkmiş şəxsin cəmi 8 ədəd xəsarət alması qeyd edilib.

Məhkəmənin qərarında deyilir ki, Şəmkir Rayon Prokurorluğunun böyük müstəntiqi vəzifəsini icra edən III dərəcəli hüquqşünas cinayət işi üzrə CPM-nin 303.3.6 və 303.3.8-ci maddələrinin tələblərini kobud surətdə pozduğundan onun barəsində müvafiq tədbirlərin görülməsi üçün Baş prokurora məlumat verilsin.

Eyni zamanda, qərarın surəti Baş prokurora göndərilsin: “Görülən tədbirlər barədə 30 gündən gec olmayaraq məhkəməyə məlumat verilsin”.

Qeyd edək ki, hadisə bu il iyul ayının 14-də Şəmkir rayonu Şiştəpə kəndi ərazisində qeydə alınıb.

Rayon porkurorluğunun yaydığı məlumata görə, həmin gün kənd sakini S.İbadullayeva qətlə yetirilib.

İstintaqla zərərçəkmişin kürəkəni İ.Hüseynovun aralarında yaranan mübahisə zamanı xəncərlə xəsarət yetirərək qayınanası S.İbadullayevanı qızının gözləri qarşısında qəsdən öldürməsinə, arvadı Mahizər Hüseynovanı, qohumu Elnarə Cəbrayıllını və azyaşlı Qərib İbadullayevi qəsdən öldürməyə cəhd etməsinə əsaslı şübhələr müəyyən edilib.

İş üzrə toplanan kifayət qədər sübutlar əsasında İntizam Hüseynova CM-nin 120.2.4 (xüsusi amansızlıqla və ya ümumi təhlükəli üsulla adam öldürmə), 29, 120.2.7-ci (iki və ya daha çox şəxsi öldürməyə cəhd), 29, 120.2.4 (xüsusi amansızlıqla və ya ümumi təhlükəli üsulla adam öldürməyə cəhd), 228.1 və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə halları istisna olmaqla) maddələri ilə ittiham elan edilib və barəsində həbs qətimkan tədbiri seçilib.(report)

pia.az


Etiket:


Digərxəbərlər

Populyar xəbərlər

General Musayev: "Putin dedi ya xalqa atəş açacaqsan, ya hakimiyyəti itirəcəksən..."

Məşhur aktyorla eşq yaşadı, dostunun ailəsini dağıtdı - “Tütək səsi”nin Sayalısı

Prezident İlham Əliyev Hacı Zeynalabdin Tağıyevin Bakıda ucaldılan abidəsinin açılışında iştirak edib - Yenilənib

Elçin Babayevin həyat yoldaşı: "Yaxşı və dəyərli həkimlərin reklama ehtiyacı yoxdur!"

Banklar niyə dollar satmır? - Əkrəm Həsənovdan şərh

Zakir Qaralov Azərbaycanı birdəfəlik tərk edib? – İddia

Bakıdan Şuşa və Ağdama avtobus səfərlərinin qrafiki və qiymətləri açıqlanıb - Yenilənib

Nazarbayev: "Hücumların məqsədi Qazaxıstanın bütövlüyünü məhv etmək idi"

Səbinə Əliyeva Şamaxıda sosial xidmət müəssisəsinə yerləşdirilən uşaqlarla görüşüb

İlham Əliyevin ABŞ-a qarşı irəli sürdüyü ittihamların pərdəarxası məqamları....

Müharibə astanasında: Rusiya diplomatlarını təxliyə edir

Ən çox oxunanalar