Avropada təbii qazın qiyməti 5 % düşüb

Avropada təbii qazın birja qiymətləri apreldən bəri ilk dəfə 5% düşərək 1000 kubmetr üçün 950 ABŞ dollarından aşağı olub.

Bunu Londonun ICE birjasının məlumatları göstərir.

Sonuncu dəfə 950 dollara qədər ucuzlaşma aprelin 19-da qeydə alınıb. Həmin vaxt qazın ən aşağı qiyməti 949,2 dollar olub.

Qeyd edək ki, bu il Avropada təbii qazın qiyməti Ukraynada hərbi əməliyyatların başlamasından sonra kəskin artıb. Fevralın 23-də təbii qaz fyuçerslərinin təxmini qiyməti 1000 kubmetr üçün 1038,6 dollar idisə, fevralın 24-də “mavi yanacağ”ın qiyməti demək olar, 50% artaraq 1555,5 dollara yüksəlib.(report)

pia.az