Yetkin insanların 16%-nin mümkün olduğu təqdirdə, ölkələrini həmişəlik tərk etmək istədiyi görülüb...
PİA.az Türkiyə mətbuatına istinadən xəbər verir ki, dünyada miqrasiya hərəkətlərini ortaya qoyan yeni araşdırmada insanların miqrasiya istəyinin son 10 ildə ən yüksək həddə çatdığı qeyd edilib.
ABŞ-da yerləşən “Gallup” sorğu şirkətinin araşdırması üzə çıxarıb ki, 2021-ci ildə dünya üzrə yetkin insanların 16%-i (təxminən 900 milyon) imkan daxilində öz ölkələrini həmişəlik tərk etmək istəyir.
Araşdırmada Covid-19 pandemiyasının son illərdə miqrasiya nisbətlərini azaltdığı, lakin insanların miqrasiya istəyinin qarşısını almadığı bildirilib.
122 ölkədə təxminən 127 min yetkin şəxslə bağlı aparılan müsahibələrə əsaslanan araşdırmada, Covid-19 epidemiyasının ikinci ilində insanların miqrasiya istəyinin son 10 ilin ən yüksək səviyyəsinə çatdığı bildirilib.
Tədqiqatın əhatə etdiyi dövrün 2021-ci ildə dünyanın yavaş-yavaş normal vəziyyətə qayıtması ilə üst-üstə düşdüyü bildirilir.
pia.az