Çərşənbə axşamı, 15 İyun 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

8 icra başçısı həbsdədir - Sıra kimdədir?

Gələn məlumatlar onu deməyə əsas verir ki, sabiq vergilər naziri də tezliklə Alimpaşa Məmmədovun yanına göndəriləcək

Azərbaycanda daha bir icra başçısı qandallanıb. Bu dəfə Şəmkir Rayon İcra Hakimiyyətində hüquq-mühafizə orqanları tərəfindən əməliyyat keçirilib.

Şəmkir Rayon İcra Hakimiyyətinin başçısı Alimpaşa Məmmədov, başçının birinci müavini, hazırkı təhsil şöbəsinin müdiri Qüdrət Əliyev, baş memar İlqar Quliyev, şəhər icra nümayəndəsi Pərviz İbrahimov və mənzil-kommunal istismar idarəsinin rəisi Teymur Hacıyev saxlanıblar. Qolları qandallanan Alimpaşa Məmmədov hüquq-mühafizə orqanları tərəfindən Bakıya gətirilib. Bəzi idarə və müəssisə rəhbərləri sorğuya cəlb olunub. Axtarışlar həmçinin Alimpaşa Məmmədovun yaşadığı evdə də aparılıb. Prezident Alimpaşa Adil oğlu Məmmədovun Şəmkir Rayon İcra Hakimiyyətinin başçısı vəzifəsindən azad edilməsi barədə sərəncam da imzalayıb.

Alimpaşa Məmmədov son 2 il ərzində həbsə alınan 8-ci icra başçısıdır. O, 2014-cü ilədək vergi sistemində yüksək vəzifələrdə çalışıb. Bir sıra rayonlarda vergi idarəsinin, daha sonra 2 saylı Ərazi Vergilər İdarəsinin (Sumqayıt şəhəri, Abşeron, Siyəzən, Xızı rayonlarını əhatə edir) rəisi vəzifəsində çalışıb. Ardınca isə Fazil Məmmədov onu sadiq və qeyri-rəsmi pultoplama işlərində bacarıqlı kadr kimi Vergilər Nazirliyi Bakı Şəhər Vergilər departamentinin rəisi vəzifəsinə yüksəltmişdi. Vergi sistemində çalışarkən onun adı “sahibkarlara divan tutanlar” sırasında hallanırdı. Nəhayət, A.Məmmədov 2014-cü ildə Fazil Məmmədovun dəstəyi ilə Şəmkir Rayon İcra Hakimiyyətinin başçısı vəzifəsinə təyin edildi. Həmin dönəmlərdə icra başçısı təyinatında Prezident Administrasiyasının sabiq rəhbəri Ramiz Mehdiyev söz sahibi idi. Alimpaşa Məmmədov Fazil Məmmədov nazir vəzifəsindən azad ediləndən sonra da müxtəlif manevrlərlə icra başçısı postunu qoruyub saxlaya bilirdi.

Alimpaşa Məmmədov vəzifə pilləsinə ayaq basana qədər toylarda tamadalıq etməsi ilə də ad çıxarıb. Bu haqda “Yeni Müsavat”ın 21.06.2018-ci il tarixli sayında “Şəmkirin icra başçısı Fazil Məmmədovu satmağa hazırdır” - şok iddia" sərlövhəli yazı dərc edilib. Həmin yazıdan sitat: “Bu həmin Alimpaşa Məmmədovdur ki, cavanlığında tamadalıqla gün keçirib, toydan-toya, məclisdən məclisə 5-10 manat sahibi olub. Həmin günlərin birində də onun bəxt ulduzu parlayıb. O dövrlər yeni nazir təyin olunan Fazil Məmmədov kefinin saz vaxtında məclisdə dil-dil ötən tamadanın yanına çağırılmasını sifariş edib. Tamada gəlib və məclisdə seçilən qonağın şəninə mədhiyyələr söyləyib. Kənd tamadası olan Alimpaşa Məmmədovu bir neçə gün sonra Vergilər Nazirliyinə çağırıblar. Nazirliyə tamada kimi gedən Alimpaşa Məmmədov oradan qayıdanda artıq vergi əməkdaşına çevrilib. İllərlə vergilər sistemində çalışandan sonra Fazil Məmmədov özünün qeyri-rəsmi qubernatorluğuna daxil olan Şəmkir rayonuna Alimpaşa Məmmədovu başçı göndərə bilib. Alimpaşa Məmmədov daha tamadalıq eləmir. Amma tamadalıq peşəsinin vərdişlərini də unuda bilmir. Şəmkirdə idarə, müəssisə və təşkilatların rəhbərləri onun iclasbazlığından beziblər. İcra başçısı, demək olar ki, hər gün iclas keçirir, saatlarla danışır, vədlər verir, sözdə görüləcək işləri bəh-bəhlə rəhbər işçilərə təqdim edir. Başçı iclas keçirdiyi saatlarda isə vətəndaşlar saatlarla rəhbər işçilərin qapısı ağzında onların işə gələcəyi ümidi ilə gözləyirlər. Rəhbər işçilər isə iclaslardan sonra iş yerlərinə çatınca görüləcək işləri birə-beş artır, vətəndaşları qəbul etməyə vaxtları qalmır. Təbii ki, bu da vətəndaşların haqlı narazılığına səbəb olur”.

Alimpaşa Məmmədovun və həbs edilən bəzi icra başçılarının pula belə həvəsli olmasının əsas səbəbi də keçmişləri ilə əlaqəlidir. Həbs olunan Biləsuvar rayonunun sabiq icra başçısı Mahir Quliyev isə bir zamanlar Bakı şəhərində yerləşən məşhur “Sahil” restoranında ofisiant işləyib. Dövlət Təhlükəsizliyi Xidməti tərəfindən keçirilən əməliyyat nəticəsində həbs olunan Neftçala İcra Hakimiyyətinin sabiq başçısı İsmayıl Vəliyev uzun illər “Qara bazar”da dollar alverçisi kimi tanınıb. Dövlət Təhlükəsizliyi Xidməti tərəfindən saxlanılarkən evindən milyonlar çıxan İmişli Rayon İcra Hakimiyyətinin sabiq başçısı Vilyam Hacıyev Bakı Hava Limanında kassir işləyib. Ağstafa Rayon İcra Hakimiyyətinin sabiq başçısı Nizaməddin Quliyev zootexnik kimi fəaliyyət göstərib. Həbs olunan Yevlax Rayon İcra Hakimiyyətinin sabiq başçısı Qoca Səmədov Yevlax rayonunda tədarükçü kimi fəaliyyət göstərib. Qeyd edək ki, Kürdəmirin və Cəlilabadın sabiq icra başçıları da həbsdədir.

Son olaraq Alimpaşa Məmmədovun həbsinin ən yaxın adamı və qohumu sabiq nazir Fazil Məmmədovun Avropada yeni biznesləri və əmlakları ilə bağlı xəbərlər fonunda baş verməsi maraq doğurur. Fazil Məmmədovun kürəkəni Əbdül Əliyevin adına İngiltərədə böyük biznes şəbəkəsi var. 1990-cı il təvəllüdlü Əbdül Əliyev Birləşmiş Krallıqda nə az-nə çox, 8 şirkət qeydiyyatdan keçirib və onlardan 6-sı hazırda fəaliyyətdədir. Əbdül Əliyev 5 il əvvəl Fazil Məmmədovun qızı Selcan Xatun Məmmədova ilə ailə qurub, faktiki olaraq bu evlilik ərəfəsində sabiq nazirin yeznəsi Avropada bir-birinin ardınca şirkətlərə sahib olmağa başlayıb. Əbdül Əliyevin atası Namiq Əliyev vergilər nazirinin müavini vəzifəsində çalışıb. Namiq Əliyev həm də Azərbaycan Silahlı Qüvvələrinin Baş Qərargah rəisi, general-polkovnik Nəcməddin Sadıkovla qudadır. Namiq Əliyev nazir müavini postuna təyin olunmamışdan əvvəl 1991-ci ildən Respublika Prokurorluğunda prokurorun köməkçisi və digər vəzifələrdə çalışıb. Gələn məlumatlar onu deməyə əsas verir ki, Fazil Məmmədov da tezliklə Alimpaşa Məmmədovun yanına göndəriləcək. Qeyd edək ki, dünən Fazil Məmmədovun kiçik qardaşı Fərhad Məmmədov 52 yaşında vəfat edib. Fərhad Məmmədov qaraciyər sirrozundan əziyyət çəkirmiş.(Musavat.com)

pia.az


Etiket:


Digərxəbərlər

Populyar xəbərlər

Özünə "DOST" əhaliyə DÜŞMƏN kəsilən ƏƏSMN-də "şirinliyin" elektron variantı

Dörd nəfərin ölümünə səbəb olan sürücünün hansı vəzifəni tutduğu məlum oldu - Foto

Prezident Daşaltı kəndində tunelin təməlini qoyub - Yenilənib, Foto

Dövlət Miqrasiya Xidmətini talayıb, indi Meriyanı dağıdan İntiqam Məmmədovun biznes dünyası - Siyahı

“Ərdoğanın Şuşaya səfəri günü bütün Ermənistan prezidentləri Xankəndidə olmalıdır” - Poqosyan

Ərdoğan-Bayden görüşündə masa üzərindəki maraqlı detal – Foto

“Hacıbala Abutalıbovu niyə həbs etmirlər?!” - Xalq artisti

“Nərminin otaqdan qaçmaq şansı yox idi” – İlkinin etirafedici ifadəsi

Ən çox oxunanalar